وزیراعظم کا سری لنکن حکومت کی کورونا سے جاں بحق افراد کی تدفین کے فیصلے کا خیرمقدم

تفصیلات کے مطابقسری لنکن حکومت نے پاکستان کے موقف کو تسلیم کرتے ہوئے کورونا وبا سے انتقال کرنے والوں کو تجہیز و تکفین کی سہولت فراہم کرنے کا باقاعدہ نوٹیفکیشن جاری کردیا ہے، وزیر اعظم عمران خان اور وزیر خارجہ مخدوم شاہ محمود قریشی نے ٹویٹس کے ذریعے سری لنکن قیادت کا شکریہ ادا کیا ہے۔

وزیر اعظم عمران خان نے سماجی را بطے کی ویب سائٹ  ٹوئٹر پر جاری  پیغام  میں لکھا کہ میں سری لنکا کی قیادت کا شکریہ ادا کرتا ہوں اور سری لنکن حکومت کے سرکاری نوٹیفکیشن کا خیرمقدم کرتا ہوں جو کوویڈ 19 میں مرنے والوں کے لئے تدفین کے اختیار کی اجازت دیتا ہے۔

I thank the Sri Lankan leadership & welcome the Sri Lankan govt's official notification allowing the burial option for those dying of Covid 19.

— Imran Khan (@ImranKhanPTI) February 26, 2021

وزیرخارجہ شاہ محمود قریشی نے بھی اپنے جذبات کا اظہار کرتے ہوئے کہا کہ باہمی افہام و تفہیم کا یہ مظاہرہ خوشحالی کے لئے اہم ہے۔

 

— Shah Mahmood Qureshi (@SMQureshiPTI) February 26, 2021

یاد رہے کہ سری لنکا کی حکومت نے  مارچ 2020 میں  خدشات کے باعث تدفین پر پابندی عائد کردی تھی کہ کورونا سے جاں بحق ہونے والوں کی میتیں دفن کرنے سے زیر زمین پانی زہریلا ہوسکتا ہے اور وائرس پھیل سکتا ہے، تاہم ماہرین نے ان خدشات کو بےبنیاد قرار دیا تھا۔ عالمی ادارہ صحت (ڈبلو ایچ او) بھی کہہ چکا ہے کہ ایسا کوئی خطرہ نہیں ہے اور میتوں کی تدفین اور انہیں جلانے دونوں کی سفارش کی ہے۔

اسلامی ممالک کی تعاون تنظیم (او آئی سی) کے علاوہ دنیا بھر سے مختلف مکاتب فکر نے نے سری لنکا میں کورونا سے جاں بحق مسلمانوں کی میتیں جلانے پر تشویش کا اظہار کیا تھا۔

وزیر اعظم عمران خان نے سری لنکا کے سیاسی رہنماؤں کے ساتھ کولمبو کے اپنے  دو روزہ دورے پر یہ مسئلہ اٹھایا ، جس کے بعد سری لنکا کی حکومت نے آخرکار اس  پابندی کو ختم کیا اور کوویڈ 19  سے جاں بحق افراد  کو دفن کرنے کی اجازت دی۔