وفاقی کابینہ اجلاس کی اندرونی کہانی

وزیراعظم عمران خان کی زیر صدارت وفاقی کابینہ کا اجلاس میں ہوا جس میں براڈ شیٹ کیس ،ایف نائن پارک ،ڈیزاسٹررسک مینجمنٹ فنڈ پرتفصیلی بریفنگ دی گئی،وزیراعظم عمران خان  نے براڈ شیٹ تحقیقاتی کمیشن کے لئے جسٹس عظمت شیخ کو موزوں ترین امیدوار قرار دے دیا ۔

کابینہ اجلاس میں  وزیراعظم عمران خان  اور وزراء نے ایف 9 پارک گروی رکھنے کی تجویز کی مخالفت کر دی اور کابینہ اجلاس میں ایک وزیر نے بھی ایف نائن پارک گروی رکھنے کی حمایت نہ کی،وزیراعظم نے استفسار کیا کہ ایف 9 پارک کی تجویز کس نے اور کیوں تیار کی؟جس پر وزارت خزانہ حکام نے مؤقف اپنایا کہ قرض کے لئے زمین ظاہر کرنا ضروری ہوتا ہے، یہ فارمیلیٹی ہے،تاہم وزارت خزانہ کی ٹیم کابینہ کو مطمئن نہ کرسکی اور  وزرا نے رائے دی کہ پارک کے بجائے اشرافیہ کا کلب گروی رکھ دیں تو بہتر ہو گا۔وزرا نے تجویز دی کہ بہتر ہے اسلام آباد کلب کو گروی رکھ کر قرضہ لیا جائے۔

کابینہ اجلاس میں نیشنل ڈیزاسٹر رسک منیجمنٹ فنڈ کے حوالے سے کابینہ کو بریفنگ دی گئی  جس میں نیشنل ڈیزاسٹر رسک منیجمنٹ فنڈ کی رقم میں بےقائدگیوں کا انکشاف ہوا ،ملک امین اسلم نے بریفنگ میں کہا کہ فنڈ کی 500 ملین ڈالر کی رقم میں بےقائدگیوں کا انکشاف ہوا،آڈٹ میں پتا چلا 40 لوگوں کی مراعات پورے وزارت کے اخراجات کے برابر تھے۔نیشنل ڈیزاسٹر رسک مینجمنٹ فنڈ ملک کو قرضوں میں جھکڑنے کی سازش تھی،تحریک انصاف کی حکومت بے قاعدگیاِں روکنے کے لئے قائم ہوئی۔وزیراعظم عمران خان نے فنڈ کا بروقت اور درست آڈٹ کرنے پر ٹیم کو سراہا اور ملک امین اسلم کو فنڈ کا آڈٹ کرانے پر خراج تحسین پیش کیا۔

بعد ازاں  ڈیزاسٹر رسک مینجمنٹ فنڈ وزارت موسمیاتی تبدیلی سے وزارت پلاننگ منتقل کرنے کی منظوری دیدی گئی جبکہ کووڈ ویکسین کی قیمت کے تعین کا اختیار بھی وزارت صحت کو دے دیا گیا۔