بجلی کی بنیادی قیمتوں میں 1 روپے 68 پیسے فی یونٹ تک اضافہ

تفصیلات کے مطابق نیپرا نے بجلی کے بنیادی ٹیرف میں اضافے کی منظوری دے دی۔ نیپرا نے وفاقی حکومت کی درخواست پر محفوظ فیصلہ جاری کر دیا۔ بجلی کی بنیادی قینتوں میں 1 روپے 68 پیسے فی یونٹ تک اضافہ کر دیا گیا۔ کمرشل و صنعتی صارفین کے لیے 1 روپے 39 پیسے فی یونٹ اضافہ کیا گیا۔ اضافے کا اطلاق لائف لائن اور 200 یونٹ استعمال کرنے والے صارفین پر نہیں ہو گا۔

قیمتوں میں اضافے سے بجلی کے یونٹ کی قیمت 24 روپے 33 پیسے تک ہو گئی۔ 300 یونٹ استعمال کرنے والے صارفین کے لیے بجلی کی قیمت 13 روپے 83 پیسے فی یونٹ ہو گئی۔ 400 سے 700 یونٹ استعمال کرنے والے صارفین 21 روپے 23 پیسے فی یونٹ ادا کریں گے۔  700 اور زائد یونٹ استعمال کرنے والے صارفین کے لیے بجلی کے یونٹ قیمت 24 روپے 33 پیسے مقرر کردی گئی۔

بجلی کی قیمتوں میں اضافے کا اطلاق یکم نومبر سے ہو گا۔ بجلی کی قیمتوں میں اضافے کا اطلاق کے الیکٹرک سمیت تمام صارفین پر ہو گا۔

نیپرا کے وائس چیئرمین نے اتھارٹی کے فیصلے سے اختلاف کیا،  بجلی کی قیمتوں میں اضافے کے فیصلے کے خلاف اضافی نوٹ شامل کیا۔

اضافی نوٹ کے مطابق پاور پلانٹس کی ناقص کارکردگی کا بوجھ صارفین پر نہیں ڈالنا چاہیے۔  1994 سے لیکر اب تک بجلی کے شعبے کے لیے ناقص پالیسیاں بنائی گئیں۔ بجلی کا ترسیلی، تقسیمی اور پیداواری سسٹم غیر معیاری ہے۔ غیر معیاری سسٹم کا خمیازہ صارفین بھگت رہے ہیں۔  وائس چیئرمین نیپرا نے فیصلے پر دستخط نہیں کیے۔