ٹی ٹوئنٹی ورلڈکپ: ویسٹ انڈیز کا آسٹریلیا کو جیت کے لیے 158 رنز کا ہدف 

تفصیلات کے مطابق ٹی ٹوئنٹی ورلڈکپ کے میچ میں ویسٹ انڈیزنے پہلے بیٹنگ کرتے ہوئے مقررہ 20 اوورز میں 7 وکٹ کے نقصان پر 157 رنز بنائے۔

آسٹریلیا نے ویسٹ انڈیز کے خلاف ٹاس جیت کر بولنگ کا فیصلہ کیا تھا ویسٹ انڈیز کی جانب سے ممکنہ طور پر اپنا آخری انٹرنیشنل میچ کھیلنے والے کرس گیل جارحانہ موڈ میں دکھائی دیے انہوں نے2 چھکے لگاکر اپنے خطرناک عزائم بھی ظاہر کیے تاہم پیٹ کمنز نے انہیں 15 رنز پر بولڈ کرکے پویلین واپس بھیج دیا۔

ایون لیوس نے 29 رنز کی اننگز کھیلی تاہم وکٹ کیپر بیٹسمین نکولس پورن صرف 4 رنز کے مہمان ثابت ہوئے اور روسٹن چیس کھاتہ کھولے بغیر ہی پویلین واپس لوٹ گئے جب کہ شیمرون ہیٹ میئر نے 27 رنز کی اننگز کھیلی۔

کرس گیل ہی کی طرح اپنا آخری انٹرنیشنل ٹی ٹوئنٹی کھیلنے والے ڈیوائن براو صرف 10 رنز بنانے میں کامیاب رہے،کپتان کیرون پولارڈ نے 44 رنز کی ذمہ دارنہ اننگز کھیلی جب کہ آندرے رسل 7 گیندوں پر 18 رنز بناکر ناٹ آؤٹ رہے۔

آسٹریلیا کی جانب سے جوش ہیزل ووڈ نے 4، پیٹ کمنز، مچل اسٹارک اور ایڈم زمپا نے ایک ایک وکٹ حاصل کی۔