خان صاحب اب گھبرانے کا وقت آ گیا ہے ، بلاول بھٹو

چیئرمین پیپلزپارٹی بلاول بھٹو زرداری نے میڈیا گفتگو کرتے ہوئے کہا کہ  حکومت نے اپنا ہی بلایا ہوا مشترکہ اجلاس سے بھاگ چکے ہیں ، صدر مملکت کا نوٹیفکیشن آنے کے آدھے گھنٹے بعد واپس لے لیا گیا ، انتخابی اصلاحات کا یکطرفہ عمل انتخابی عمل کو متنازعہ بنائے گا، اپوزیشن کا اتحاد جس طرح چل رہا ہے اس کاچھا نتیجہ آرہا ہے ،عدم اعتماد میں ساتھ دینے کے لئے نہیں کہہ رہے ،غیر جمہوری روایات اور الیکشن کمیشن کو متنازعہ بنانے کی کوششوں کو روکنا ہے۔

بلاول بھٹو نے کہا کہ  اپوزیشن جہاں کامیاب ہو رہی ہے اور حکومت کو ناکامی ہو رہی ہے یہ اچھے اعشاریہ ہیں ، اپوزیشن کا اتحاد پارلیمان کے اندر ایک دن کے لئے بھی نہیں ٹوٹا ، پیپلزپارٹی نے ہمیشہ پارلیمان کے ساتھ کی بات کی۔

پی پی رہنما بلاول بھٹو کا کہنا تھا کہ  خان صاحب اب گھبرانے کا وقت آ گیا ہے ، تبدیلی کی نشانی ہے کہ لاڈلا سپریم کورٹ کا سامنا کر رہا تھا۔انہوں نے کہا کہ دہشتگردی کے واقعات میں ملوث لوگوں کے ساتھ ضرور کاروائی ہونی چاہیے ، حکومت نے جس انداز میں اس معاملے کو ہینڈل کیا وہ متنازعہ ہے ۔

چئیر مین پی پی بلاول بھٹو نے مزید کہا کہ  معیشت کو سنبھالنے کے لئے واحد حل پیپلزپارٹی ہی ہے ، پیپلزپارٹی کی غریب دوست پالیسیوں کی وجہ سے ماضی میں بھی معیشت کو سنبھالا ،پیپلزپارٹی کے پاس ان مسائل کا حل ہے ۔