ٹی ٹوئنٹی ورلڈکپ: پہلے سیمی فائنل میں انگلینڈ کا نیوزی لینڈ کو 167 رنز کا ہدف

تفصیلات کے مطابق نیوزی لینڈ کے کپتان کین ولیمسن نے ٹاس جیت کر پہلے فیلڈنگ کرنے کا فیصلہ کیا تھا۔

انگلش کپتان اوئن مورگن کا کہنا تھا کہ اگر ٹاس جیتتے تو وہ بھی بولنگ کا ہی فیصلہ کرتے،انہوں اس امیدکا اظہار کیا کہ ٹاس کی وجہ سے میچ کا فیصلہ نہیں ہوگا۔

انگلینڈ کی پہلی وکٹ 37رنز پر گری انگلش بلے باز جونی بیئرسٹو 17گیندوں پر13رنز بناکر ملنے کی گیند پر کین ولیمسن کو کیچ دے بیٹھے، جبکہ دوسرے آؤٹ ہونے والے بلے بازجوز بٹلر تھے جو کہ 53رنز کے مجموعی سکور پر 29رنز بناکر ایش سوڈھی کی گیند پر ایل بی ڈبلیو کے باعث وکٹ گنوا گئے۔

معین علی سب سے زیادہ 51رنز بناکر ناٹ آؤٹ رہے جبکہ ڈیوڈ ملان نے 41رنز کی اننگزکھیلی،لیونگسٹون17سکور بناکرآؤٹ ہوئے انگلینڈ نے مقرر20اوورز میں4وکٹوں کے نقصان پر رنز166 بنائے ہیں۔

کیویز کی جانب سے ٹم ساؤتھی،ایش سوڈھی ، ایڈم ملنے اور جیمز نیشام نے 1،1وکٹ حاصل کی ۔