نیوزی لینڈ ٹی ٹوئنٹی ورلڈکپ کے فائنل میں پہنچ گیا

تفصیلات کے مطابق نیوزی لینڈ کے کپتان کین ولیمسن نے ٹاس جیت کر پہلےفیلڈنگ کرنے کا فیصلہ کیا تھا۔

انگلینڈ نے پہلے بیٹنگ کرتے ہوئے مقرر اوورزمیں 4 وکٹوں کے نقصان پر166رنز بنائے تھے۔

انگلینڈ کی پہلی وکٹ 37رنز پر گری انگلش بلے باز جونی بیئرسٹو 17گیندوں پر13رنز بناکر ملنے کی گیند پر کین ولیمسن کو کیچ دے بیٹھے، جبکہ دوسرے آؤٹ ہونے والے بلے بازجوز بٹلر تھے جو کہ 53رنز کے مجموعی سکور پر 29رنز بناکر ایش سوڈھی کی گیند پر ایل بی ڈبلیو کے باعث وکٹ گنوا گئے۔ 

انگلینڈ کی جانب سے معین علی سب سے زیادہ 51رنز بناکر ناٹ آؤٹ رہے جبکہ ڈیوڈ ملان نے 41رنز کی اننگزکھیلی،لیونگسٹون17سکور بناکرآؤٹ ہوئے۔

کیویز کی جانب سے ٹم ساؤتھی،ایش سوڈھی ، ایڈم ملنے اور جیمز نیشام نے 1،1وکٹ حاصل کی ۔

نیوزی لینڈ نے ہدف کاتعاقب کرتے ہوئے 5 وکٹوں کے نقصان پر 19 اوورز میں ہدف پورا کرلیا۔

نیوزی لینڈ کی جانب سے اوپنر ڈیرل مچل نے شاندار کھیل پیش کرتے ہوئے 48 گیندوں پر 4 چھکوں اور چار چوکوں کی مدد سے 73رنز کی اننگز کھیلی اور میچ کے بہترین کھلاڑی قرار پائے۔

نیوزی لینڈ کے اوپنر مارٹن گپٹل نے چوکا لگا کر اننگز کا آغاز کیا لیکن ایک گیند بعد ہی کرس ووکس کی گیند پر معین علی کو کیچ دے بیٹھے۔

کیوی کپتان کین ولیمسن 11 گیندوں پر 5رنز ہی بنا سکے، لیونگسٹن نے 46 رنز بنانے، 4 وکٹیں گرنے کے بعد وکٹ پر جیمز نیشام کی آمد ہوئی جنہوں نے کرس جورڈن کے ایک اوور میں دو چھکوں سمیت 23 رنز بٹورے اور اپنی ٹیم کو میچ میں واپس لے آئے۔

نیشام اور مچل نے عادل رشید کے بھی ایک اوور میں دو چھکوں سمیت 14 رنز بنائے لیکن اسی اوور کی آخری گیند پر نیشام کی اننگز اختتام کو پہنچی۔

انگلینڈ کی جانب سے کرس ووکس اور لیام لیونگ اسٹون نے دو دو کھلاڑیوں کو آؤٹ کیا۔