لاہور : سات سالہ گھریلو ملازمہ پر تشدد، ملزمان گرفتار

تفصیلات کے مطابق لاہور میں  لٹن روڈ کے علاقہ میں سات سالہ گھریلو ملازمہ پر تشدد ، ڈی آئی جی آپریشنز کے حکم پر لٹن روڈ پولیس نے  فوری کاروائی کرتے ہوئے  ملزمان افضل عرفان اور بیوی مزدفعہ عرفان کو پولیس نے حراست میں لے لیا۔

ڈی آئی جی آپریشنز احسن یونس کا کہنا ہے کہ  7سالہ مصباح بطور گھریلو ملازمہ کام کرتی تھی۔  ملزمان کے خلاف مقدمہ کا اندراج عمل میں لایا جارہا ہے۔

ترجمان آپریشنز ونگ کا کہنا ہے کہ  ملزمان کو گرفتار کر کے مزید تحقیقات کی جارہی ہیں۔ بچی کو ضروری قانونی کاروائی کے بعد چائلڈ پروٹیکشن بیورو کے حوالے کر دیا گیا۔