حکومت کا سربراہ تحریک لبیک پاکستان سعد رضوی کیخلاف مزید مقدمات بھی واپس لینے کا فیصلہ

ذرائع پنجاب حکومت کے مطا بق فورتھ شیڈول سے نکالنے کے بعد سربراہ تحریک لبیک پاکستان سعد رضوی کیخلاف مزید مقدمات بھی واپس لینے کا فیصلہ کیا ہے۔ سعد رضوی سمیت دیگر کارکنوں کے خلاف 40 مقدمات واپس لیے جارہے ہیں۔

ذرائع پنجاب حکومت  کا کہنا ہے کہ  پہلے مرحلے میں تین سال یا تین سال سے کم عرصےمیں درج مقدمات واپس ہوں گے،  سعد رضوی اور دیگر کارکنوں کے خلاف دوسرے مرحلے میں پانچ سال یا اس سے کم والے مقدمات واپس لئے جائیں گے۔

ذرائع کے مطابق  پنجاب حکومت نے مقدمات واپس لینے سے متعلق اقدامات شروع کردئیے گئے ۔  سعد رضوی کے خلاف مقدمات کو قانونی طریقے سے دیکھا جارہا ہے۔

گزشتہ روز  سعد رضوی کا نام فورتھ شیڈول کی فہرست سے نکال دیا تھا، محکمہ داخلہ پنجاب کی جانب سے 487 افراد کے نام فورتھ شیڈول کی فہرست سے نکالے گئے ہیں جس میں ٹی ایل پی کے سربراہ سعد رضوی کا نام بھی شامل تھا۔

یاد رہے کہ 16 اپریل 2021 کو علامہ سعد رضوی کا نام فورتھ شیڈول کی فہرست میں شامل کیا گیا تھا۔