آصف زرداری کی سینیٹ انتخابات کیلئے آج اسلام آباد روانگی کا امکان

ذرائع کے مطابق سابق صدر اور پیپلزپارٹی کے شریک چیئرمین آصف علی زرداری  کورونا وائرس اور ناسازی طبیعت کےسبب کافی عرصے سفر نہیں کررہےتھے، تاہم اب ذرائع کا کہنا ہے کہ آصف زرداری  3 مارچ کو سینیٹ الیکشن میں اپناووٹ کاسٹ کریں گے، اور اس کے لئے ان کی آج اسلام آباد روانگی کا امکان ہے۔

آصف زرداری خصوصی طیارےسےکراچی ایئرپورٹ کے وی وی آئی پی ٹرمینل سےروانہ ہونگے، جہاں وہ سہ پہر ساڑھے 3 بجے کراچی سے اسلام آباد روانہ ہونگےاور5 بجے تک اسلام آباد ایرپورٹ لینڈ کرینگے۔ 

ذرائع کے مطابق قومی اسمبلی میں پیپلزپارٹی ارکان کے اعزاز میں یکم مارچ کو عشائیے کا اہتمام کیا گیا ہے، جب کہ  آصف علی زرداری 2 مارچ کو بلاول ہاؤس اسلام آباد میں اتحادی جماعتوں کےاعزاز میں منعقدہ عشائیے میں بھی شریک ہوں گے۔