لاہور : معصوم بچی کے اندھے قتل کا ڈراپ سین، سگا باپ گرفتار

تفصیلات کے مطابق ایس پی سی آئی اے عاصم افتخار کمبوہ کا کہنا ہے کہ تھانہ ہڈیارہ کی حدود میں 8سالہ بچی حبیبہ کو قتل کرنے والا سگا باپ محمد ارشد گرفتارکرلیا گیا ہے، ملزم ارشد نے 2شادیاں کررکھیں تھیں مقتولہ بچی ملزم کی پہلی بیوی سے تھی،  ملزم نے پہلی بیوی کو طلاق دے دی تھی جبکہ بیٹا اور بیٹی اسی کے پاس ہی رہتے تھے۔

ایس پی سی آئی اے کا کہنا تھا کہ  دوسری بیوی کا دونوں بچوں کی وجہ سے اپنے شوہر ارشد سے لڑائی جھگڑا رہتا تھا،  ملزم نے دوسری بیوی کو خوش کرنے کے لیے تیز دار آلے سے بیٹی کا گلا کاٹ کر قتل کر دیا،  ملزم نے بیٹی کے قتل کی سنگین واردات کے بعد ایمرجنسی15پراس کی خود کشی کی کال کی تھی،  گرفتار ملزم ارشد عنقریب اپنے بیٹے کو بھی  قتل کرنے کا ارادہ رکھتا تھا،  سفاک ملزم ارشد نے اعتراف جرم کر لیا ہے۔