سعودی عرب میں بوسٹر ڈوز کیلئے دو ویکسین منظور

ریاض : سعودی عرب کی وزارت صحت نے ویکسین کی بوسٹر ڈوز کےلیے دو ویکسین منظور کرلی۔

غیر ملکی میڈیا کے مطابق خلیجی ریاست سعودی عرب کی جانب سے شہریوں کو کرونا کے مقابلے میں بہتر تحفظ فراہم کرنے کےلیے بوسٹر ڈوز کےلیے دو ویکسین منظور کی گئی ہے۔

اس حوالے سے سعودی وزارت صحت کے ترجمان ڈاکٹر محمد العبد العالی کا کہنا ہے کہ بوسٹر ڈوز کےلیے فائزر اور موڈرنا کی منظوری دی گئی ہے لیکن ان میں سے کوئی ایک تیسری خوراک کے طور پر دی جائے گی۔

محمد العبد العالی نے کہا کہ معدافعتی نظام کو مضبوط بنانے کےلیے تیسری بوسٹر ڈوز کا لیا جانا ضروری ہے، لہذا جو ویکسین کی دوسری خوراک چھ ماہ قبل لے چکے ہیں وہ بوسٹر ڈوز حاصل کرلیں۔