اپوزیشن اپنی ضد چھوڑ دے،آپ ہمیں نہیں ہراسکیں گے،فواد چودھری

وفاقی وزیراطلاعات فواد چودھری نے میڈیا سے گفتگو کرتے ہوئے کہا کہ آج ایوان میں اپوزیشن کارویہ منفی رہا، آج پھر ثابت ہوگیا پی ٹی آئی ملک کی سب سے بڑی جماعت ہے،  نوازشریف اینڈ کمپنی نےکرکٹ بھی اپنے ایمپائروں  کے بغیر نہیں کھیلی، اپوزیشن سے انتخابی اصلاحات پراتفاق رائے کی کوششیں کیں۔

فواد چودھری نے کہا کہ  بیرون ملک 90لاکھ پاکستانیوں کوووٹ کا حق حاصل ہواہے، اپوزیشن قیادت انحطاط کاشکار ہے،  آئندہ عام انتخابات الیکٹرونک ووٹنگ مشین سےہوں گے،  ووٹنگ کا پرانا سسٹم ختم ہو گیا،  پاکستانیوں اور اوور سیز پاکستانیوں کو مبارکباد پیش کرتا ہوں۔

وزیر اطلاعات کا کہنا تھا کہ اپوزیشن کو آج کی شکست یاد رہے گی، چیئرمین سینیٹ کیخلاف عدم اعتماد کی باتیں کرنے والوں کی آنکھیں کھل گئیں، سینیٹ میں بھی حکومت کوبرتری حاصل ہے، اپوزیشن اپنی ضدچھوڑ دے،آپ ہمیں نہیں ہراسکیں گے، اپوزیشن نے شیڈول بنایاہوا ہے،ایک ہفتے فوج پرتنقید اگلے ہفتے مفاہمت، یہ کام تھکے ہوئے پہلوانوں کانہیں ہے،اپنی حکمت عملی بدلیں۔