امن کے دور میں حقیقی تربیت جارحیت سے نمٹنے میں مدد دیتی ہے:آرمی چیف

پاک فوج کے شعبہ تعلقات عامہ ( آئی ایس پی آر) کے مطابق  آرمی چیف نے کھاریاں  کورکی تربیتی مشقوں کا مشاہدہ کیا۔

آئی ایس پی آر کے مطابق پاک فوج کے سربراہ جنرل قمر جاوید باجوہ نے وارگیمز کے آپریشنل پہلوؤں کا بھی مشاہدہ کیا۔

چیف آف آرمی اسٹاف جنرل قمر جاوید باجوہ نے دورے کے دوران جوانوں کی تیاریوں اور پیشہ ورانہ مہارت کو سراہا۔ انہوں نے وی ٹی فور ٹینکوں کی شمولیت اور کارکردگی پر اطمینان کا بھی اظہار کیا۔

آرمی چیف نے اس موقع پر کہا کہ آپریشنل ڈرلز کی پریکٹس خطرات کا جواب دینے کی صلاحیت بڑھاتی ہے۔

آئی ایس پی آر کے مطابق آرمی چیف جنرل قمر جاوید باجوہ کا کور کمانڈر لیفٹیننٹ جنرل شاہین مظہر محمود نے استقبال کیا۔