اترپردیش : مردہ شخص 7 گھنٹے بعد زندہ ہوگیا

غیر ملکی خبر رساں ادارے کے مطابق  اترپردیش کے مرادآباد میں ایک عجیب واقعہ سامنے آیا ہے، جس میں ایک 40 سالہ شخص کو مردہ خانے کے فریزر میں تقریباً سات گھنٹے تک رکھا گیا۔ 

رپورٹ کے مطابق الیکٹریشن شریکیش کمار کو ایک تیز رفتار موٹر سائیکل نے ٹکر ماری تھی،  جس کے بعد انہیں ضلع اسپتال لے جایا گیا، جہاں ڈاکٹروں نے انہیں مردہ قرار دیا۔

اگلے دن ہسپتال کے عملے نے لاش کو فریزر میں رکھ دیا۔ تقریباً سات گھنٹے بعد، جب پنچنامے یا دستاویز پر لاش کی شناخت کے بعد، خاندان کے افراد کے دستخط پوسٹ مارٹم کے لیے رضامندی کے لیے تھے،تو کمار کی بھابھی مدھوبالا نے اس کی لاش کو ہلکا سا ہلتے ہوئے دیکھا۔

وائرل ہونے والے ایک ویڈیو میں مدھوبالا کو یہ کہتے ہوئے سنا جا سکتا ہے، 'وہ مرا نہیں ہے۔ یہ کیسے ہوا؟ دیکھو، وہ کچھ کہنا چاہتا ہے، وہ سانس لے رہا ہے.

مرادآباد کے چیف میڈیکل سپرنٹنڈنٹ ڈاکٹر شیو سنگھ نے کہا، "ایمرجنسی میڈیکل آفیسر نے مریض کو صبح 3 بجے دیکھا جب اس کا دل نہیں دھڑک رہا تھا۔ اس نے کئی بار اس آدمی کا جائزہ لیا۔ اس کے بعد اسے مردہ قرار دے دیا گیا۔ لیکن صبح پولیس ٹیم اور اس کے اہل خانہ نے اسے زندہ پایا۔اس حوالے سے  تحقیقات کا حکم دے دیا گیا ہے۔ اب ہماری ترجیح اس کی جان بچانا ہے۔‘‘

انہوں نے کہا کہ یہ ان غیر معمولی معاملات میں سے ایک ہے. ہم اسے غفلت نہیں کہہ سکتے۔ کمار اب میرٹھ کے ایک مرکز صحت میں زیر علاج ہیں جہاں ان کی حالت میں بہتری آئی ہے۔