چین کے 'ہائپرسونک میزائل ٹیسٹ' نے پینٹاگون حکام کو 'حیران' کر دیا

غیر ملکی خبر رساں ادارے کی  رپورٹ کے مطابق، امریکی فوج اور انٹیلی جنس حکام جولائی میں روشنی کی رفتار سے پانچ گنا زیادہ تیز رفتاری سے کیے گئے چین کے مبینہ ہائپرسونک میزائل کے تجربے سے  حیران ہیں ۔

پینٹاگون کی جدید تحقیقی ایجنسی ڈارپا کے ماہرین یہ سمجھنے کی کوشش کر رہے ہیں کہ چین کس طرح ماسٹرا ٹیکنالوجی میں کامیاب ہوا۔رپورٹ شدہ چینی میزائل تجربے اور اس کی جدید صلاحیتوں سے حیران ہونے والوں میں امریکی قومی سلامتی کونسل بھی شامل ہے۔

قومی سلامتی کونسل کے ترجمان نے غیر ملکی خبر رساں ادارے کو بتایا کہ "یہ پیشرفت ہمارے لیے ہے جیسا کہ یہ ان تمام لوگوں کے لیے ہے جو خطے اور اس سے باہر امن اور استحکام کے خواہاں ہیں۔" "یہ بہت ساری فوجی صلاحیتوں کے بارے میں ہماری تشویش کو بھی تقویت دیتا ہے جن کا عوامی جمہوریہ چین تعاقب جاری رکھے ہوئے ہے۔"

دیگر امریکی فوجی حکام بھی ہائپرسونک ہتھیاروں کے میدان میں چین کی صلاحتیوں کے بارے میں فکر مند ہیں،امریکی حکام کے اندازوں کے مطابق چین اس میدان میں روس یا امریکہ سے زیادہ ترقی یافتہ ہے۔

تاہم چینی سفارتخانے نے مبینہ میزائل تجربے سے متعلق خبروں کی تردید کرتے ہوئے کہا ہے کہ انہیں اس کے بارے میں "علم نہیں" تھا۔

سفارت خانے کے ترجمان لیو پینگیو نے غیر ملکی خبر رساں ادارے کو بتایا کہ "ہمیں دوسرے ممالک کے ساتھ ہتھیاروں کی دوڑ میں کوئی دلچسپی نہیں ہے۔" "امریکہ حالیہ برسوں میں اپنے ہتھیاروں کی توسیع اور ہائپر سونک ہتھیاروں کی ترقی کے جواز کے لیے 'چین کے خطرے' جیسے بہانے گھڑ رہا ہے۔"

امریکی حکام ان خدشات کا اظہار کرتے رہتے ہیں کہ چین اپنی "کم سے کم ڈیٹرنس" پوزیشن سے ہٹ سکتا ہے جو کئی دہائیوں سے برقرار ہے، حال ہی میں واشنگٹن نے اعلان کیا ہے کہ وہ آنے والی دہائی میں اپنے جوہری وار ہیڈز کو چار گنا کرکے 1,000 ہتھیاروں تک پہنچانے کا ارادہ رکھتا ہے۔