پاکستان نے تیسرے ٹی ٹوئنٹی میچ میں بنگلادیش کو شکست دے دی

تفصیلات کے مطابق سنسنی خیز مقابلے کے بعد پاکستان نے تیسرے ٹی ٹوئنٹی میچ میں بنگلادیش کو5وکٹوں سے شکست دے دی ہے۔

ڈھاکا کے شیر بنگلا اسٹیڈیم میں بنگلادیش کے کپتان محمود اللہ نے ٹاس جیت کر پہلے بیٹنگ کرنے کا فیصلہ کیا تھا ۔

 بنگلادیش نے پہلے بیٹنگ کرتے ہوئے  پاکستان کوجیت کے لیے 125 رنز کا ہدف دیا تھا۔

بنگلادیش کی جانب سے محمد نعیم 47 رنز بناکر ٹاپ اسکورر رہے۔

پاکستان کی جانب سے شاندار بولنگ کا مظاہرہ کرتے ہوئے عثمان قادر اور محمد وسیم نے 2،2 کھلاڑیوں کو آؤٹ کیا جب کہ حارث رؤف اور شاہنواز دھانی نے 1،1 کھلاڑی کو آؤٹ کیا۔

ہدف کے تعاقب میں پاکستان کی پہلی وکٹ 32 رنز پر گری اور کپتان بابراعظم 19 رنز بناکر آؤٹ ہوگئے جس کے بعد رضوان نے کھیل کوسنبھالا اور وہ 40 رنز پر پویلین لوٹ گئے۔

پاکستان اور بنگلادیش کےدرمیان میچ آخری گیند تک گیا اور انتہائی سنسنی خیز مرحلے میں داخل ہوا  جب کہ آخری گیند پر محمد نواز نے چوکا لگا کر ٹیم کو فتح دلوائی۔

پاکستان کی جانب سے حیدر علی 45 رنز بناکر ٹاپ اسکورر رہے۔