ادارہ شماریات نے ماہانہ مہنگائی کے اعدادوشمار جاری کردیئے

تفصیلات کے مطابق  ادارہ شماریات نے ماہانہ مہنگائی کے اعدادوشمار جاری کردیئے، گزشتہ ماہ جنوری میں مہنگائی کی شرح 5.7 فیصد ریکارڈ کی گئی تھی جبکہ   مہنگائی فروری 2021 میں 8.7 فیصد کی سطح پر پہنچ گئی ہے۔

ادارہ شماریات کے مطابق  فروری 2020 میں مہنگائی 12.4 فیصد ریکارڈ کی تھی، ایک ماہ میں چکن 37 فیصد، کوکنگ آئل 11.9 فیصد مہنگا ہو گیا،پھل ساڑھے 9 فیصد، دالا چنا 4.4 فیصد اور دال مسور 3.28 فیصد مہنگی ہو گئی جبکہ  ایک ماہ میں مصالحہ جات کی قیمتوں میں ساڑھے 5 فیصد اضافہ ہوا۔

ادارا شماریات کی  رپورٹ کے مطابق  ایک ماہ کے دوران ٹماٹر 58 فیصد، آلو 12 فیصد سستے ہوئے،ایک درجن انڈے 10 فیصد، پیاز 7.88 فیصد فی کلو سستے ہوئے ہیں ۔