وزیر اعظم نے سپریم کورٹ کا فیصلہ خوش آئند قرار دے دیا

وزیراعظم عمران خان سے اراکین قومی اسمبلی کی ملاقاتوں کی اندورنی کہانی سامنے آگئی۔وزیر اعظم عمران خان نے کہا کہ   مجھے پتہ ہے اپوزیشن آپ سے رابطے کررہی ہے۔ضمیر بھی کوئی چیز ہوتی ہے اس کی سنیں،اگر چوروں لٹیروں کو ہی ووٹ دینا ہے تو پھر آپ اور ان میں کیا فرق ہوگا۔

وزیر اعظم  عمران خان نے کہا کہ   سپریم کورٹ کا فیصلہ خوش آئند ہے،بیلٹ پیپر کی شناخت سے ہارس ٹریڈنگ ختم ہوگی۔ جانتا ہوں مہنگائی کے مسائل ہیں مگر ان چیلنجر پر قابو پائیں گے۔

عامر ڈوگر نے وزیر اعظم  سے  استفسار کیا کہ  یوسف رضا گیلانی نے تو ہم سمیت آپ سے بھی ووٹ مانگا  ہے جس پر وزیر اعظم نے جواب دیا کہ  اب یہ ووٹ کی صورت میں مجھ سے این آر او لینا چاہتے ہیں۔جو مرضی کر لیں ان کے سامنے نہیں جھکوں گا۔اراکین پارلیمنٹ کی زیر تکمیل ترقیاتی سکیموں کو ترجیح بنیادوں پر مکمل کرینگے۔