ڈالر سستا ہو گیا

اسٹیٹ بینک کے مطابق منگل کو پاکستانی روپے کے مقابلے میں امریکی ڈالر کی قدر 174.77 روپے سے کم ہوکر 174.30 روپے ہوگئی جبکہ فاریکس ایسوسی ایشن کے مطابق اوپن کرنسی مارکیٹ میں امریکی ڈالر 176.30 روپے ہوگیا جوپیر کو 176.50 پر ٹریڈ کررہا تھا۔

آئی ایم ایف قرض پروگرام کے بحالی کے حوالے سے اطلاعات کے بعد گزشتہ روز ڈالر کی قیمت میں کچھ کمی آئی تھی تاہم  بعد ازاں قرض کی اجراء کی ایگزیکٹو بورڈ کی منظوری سے مشروط ہونے پر ڈالر کی فروخت رک گئی جس سے ڈالر کی قدر گرنے کی رفتار بھی سست ہوگئی۔

سیکریٹری ایکس چینج کمپنیز ایسوسی ایشن ظفر پراچہ کے مطابق آئی ایم ایف سے قرض کی پہلی قسط جاری ہونے کے فوری بعد ڈالر 170 روپے کی سطح پر آسکتا ہے اور کچھ عرصے بعد اس قدر میں مزید کمی متوقع ہے۔

Interbank closing #ExchangeRate for today:https://t.co/DT1nJbNZk6 pic.twitter.com/ox53QmlyV0

— SBP (@StateBank_Pak) November 23, 2021

ظفر پراچہ کا کہنا تھا کہ اس وقت ملک کی ترسیلات زر اور برآمدات میں اضافہ ہورہا ہے جس کے پیش نظر ڈالر کی قیمت 155 روپے سے زیادہ نہیں ہونی چاہیے تھی۔