پٹرول ڈیلرز کی ہڑتال، کل کونسے پٹرول پمپ کھلے رہیں گے؟

تفصیلات کے مطابق ترجمان وزارت پٹرولیم کا کہنا ہے کہ  وزارت توانائی پٹرولیم ڈویژن کی جانب سے پٹرول پمپ ڈیلرز کے مارجن بڑھانے کےلئے کیس ای سی سی بھیجوا دیا گیا،  آئل مارکیٹنگ کمپنیز اور ڈیلرز کے مارجن میں مناسب اضافے کےلئے وزارت کوشاں ہے، وفاقی کابینہ کے ذریعے سے دس روز میں فیصلے کا امکان ہے۔

 ترجمان وزارت پٹرولیم  کے مطابق  کل ملک بھر میں تمام پی ایس او، شیل، ٹوٹل اور دیگر کمپنیوں کے اپنے پٹرول پمپ کھلے رہیں گے،  آئل سپلائی میں مستعدی کےلئے ٹینکروں کو روانہ کردیا گیا ہے، آئل سیکٹر کی مختلف تنظیموں نے وزارت کی جانب سے اٹھائے گئے اقدامات پر اظہار اطمینان کیا ہے۔

خیال رہے کہ پٹرولیم ڈیلرز ایسوسی ایشننے مارجن 6 فیصد بڑھوانے کیلئے 25 نومبر سے ہڑتال کا اعلان کررکھا ہے۔ ترجمان کا کہنا تھاکہ 25 نومبر کو کشمیر، گلگت بلتستان سمیت ملک بھر میں تمام پیٹرول پمپس بند رہیں گے۔