سینیٹ کے انتخابات کی تیاریوں کے حوالے سے بڑا بریک تھرو

تفصیلات کے مطابق  پاکستان تحریک انصاف اور جماعت اسلامی کے مابین معاملات طے پاگئے، تحریک انصاف سنٹرل پنجاب کے صدر و نومنتخب سینٹر اعجاز احمد چودھری اور مرکزی سیکرٹری جنرل جماعت اسلامی امیرالعظیم کے مابین اہم ملاقات ہوئی۔

جماعت اسلامی نے سندھ اور مرکز میں ہونے والے سینیٹ انتخاب سے غیرحاضر رہنے کا اعلان کردیا۔

سینیٹر اعجاز احمد چودھری کا کہنا ہے کہ قیمِ جماعت امیرالعظیم سے ملاقات نہایت نتیجہ خیز رہی،جماعت اسلامی کی قیادت سے سینٹ انتخابات کی حکمت عملی پر مفصل بات چیت ہوئی، پرتپاک خیر مقدم اور انتخاب میں تعاون پر جماعتِ اسلامی کی قیادت کے شکرگزار ہیں، سینیٹ انتخاب میں انشاءاللہ واضح کامیابی سمیٹیں گے۔