بھارت : تیز موسیقی سے 63 مرغیوں کو ہارٹ اٹیک ، مقدمہ درج 

بھارتی میڈیا کے مطابق  بھارتی ریاسٹ اڑیسہ  کے رہائشی 22سالہ رنجیت کمار  کا کہنا ہے کہ گزشتہ رات اُن کے پولٹری فارم کے قریب سے گزرتے ہوئے بارات میں کانوں کو پھاڑ دینے والا میوزک بجایا جارہا تھا۔

انہوں نے بتایا کہ میں نے بینڈ والوں سے کہا کہ میوزک کی آواز کم کریں کیونکہ مرغیاں ڈر رہی تھیں لیکن انہوں نے میری ایک نہ سنی بلکہ دولہے کے دوست بھی  الٹا مجھ پر چیخنے لگے ۔

جانوروں کے ڈاکٹر پروفیسر سوریا نے رنجیت کمار کو بتایا کہ مرغیوں کی موت ہارٹ اٹیک سے ہوئی جس کے بعد انہوں نے شادی کے منتظمین سے ہرجانے کا مطالبہ کردیا  اور ایسا نہ کرنے پر پولیس  میں درخواست جمع کرادی ۔

بعدازاں دونوں فریقین نے پولیس اور عدالتوں کے چکر سے بچنے کے لیے مل بیٹھ کر معاملہ طے کرنے کا فیصلہ کرلیا۔