جی این این سوشل

دنیا

مدینہ میں بس اور ٹرک میں تصادم، چار افراد ہلاک 48 زخمی

2019 میں اسی شاہراہ پر بس اور لوڈر میں تصادم کے نتیجے میں 35 زائرین ہلاک ہو گئے تھے۔

پر شائع ہوا

کی طرف سے

مدینہ میں بس اور ٹرک میں تصادم، چار افراد ہلاک 48 زخمی
جی این این میڈیا: نمائندہ تصویر

جدہ :سعودی عرب میں بس اور ٹرک میں تصادم کے نتیجے میں چار افراد ہلاک جبکہ 48 زخمی ہو گئے ہیں۔

عرب نیوز کے مطابق مدینہ صوبے میں الہجرہ ہائی وے پر بس ایک ٹرک سے ٹکرا گئی۔ بس میں 45 افراد سوار تھے۔ زخمیوں میں سے کچھ افراد کو مقامی ہسپتال منتقل کرنے سے پہلے موقع پر ہی طبی امداد دی گئی۔ سعودی ریڈ کریسنٹ کے اہلکار خالد السہلالی کا کہنا ہے کہ 20 ایمبولینسیں اور مدینہ کے جدید کیئر یونٹس جنہیں مکہ کے آٹھ اور قصیم کے تین یونٹس سے معاونت حاصل ہے، حادثے سے نمٹنے کے لیے موجود ہیں۔ اوکاز اخبار کے مطابق جمعرات کو رات 11 بج کر 27 منٹ پر اطلاع دی گئی تاہم حکام نے یہ نہیں بتایا کہ یہ حادثہ کتنے بجے پیش آیا تھا۔
یہ ایک مصروف شاہراہ ہے جو مکہ اور مدینہ کے صوبوں کے درمیان سڑکوں کو جوڑتی ہے۔ زائرین اور دیگر عقائد کے پیروکار اس راستے کو مقدس مساجد (مکہ میں مسجد الحرام اور مدینہ میں مسجد نبوی) کے دورے کے لیے استعمال کرتے ہیں۔
2019 میں اسی شاہراہ پر بس اور لوڈر میں تصادم کے نتیجے میں 35 زائرین ہلاک ہو گئے تھے۔

محمد اکرم سینیئر ویب ایڈیٹر ہیں ۔ جرنلزم میں ایم فل ڈگری رکھتے ہیں۔ مختلف ٹی وی چینلز کے ویب اور سوشل میڈیا سے واسطہ رہے ہیں اب جی این این ٹی وی سے وابستہ ہیں۔ محمد اکرم بلاگز اور آرٹیکل بھی لکھتے ہیں۔

پاکستان

الیکشن کمیشن کا 8300 ایس ایم ایس سروس کو مفت کرنے کا فیصلہ

اسلام آباد: الیکشن کمیشن نے 8300 ایس ایم ایس سروس کو مفت کرنے کا فیصلہ کرلیا۔

پر شائع ہوا

Ali Raza

کی طرف سے

الیکشن کمیشن کا 8300 ایس ایم ایس سروس کو مفت کرنے کا فیصلہ

تفصیلات کے مطابق الیکشن کمیشن آف پاکستان (ای سی ی ) نے 8300 ایس ایم ایس سروس کو مفت کرنے کا فیصلہ کیاہے۔ابتدائی طور پر سنگل ایس ایم ایس کی کل لاگت 2 روپے جمع ٹیکس تھی۔تمام ووٹرز سے گزارش ہے کہ وہ 15 دسمبر تک بلامعاوضہ اپنا ووٹ چیک کریں۔

الیکشن کمیشن کا کہنا  ہے کہ براہ کرم اپنا قومی شناختی کارڈ نمبر بغیر ہائفن کے اپنے موبائل پر ٹائپ کریں اور سے 8300 پر میسج میں بھیجیں ۔میسیج کے بعد الیکشن کمیشن سے فوری طور پر اپنے ووٹ کے تمام کوائف فری مل جائیں گے ۔ الیکشن کمیشن عوام الناس کو پہلی مرتبہ یہ سہولت مفت فراہم کر رہا ہے۔

پڑھنا جاری رکھیں

علاقائی

سینیٹر سرفراز بگٹی کا بی اے پی کے ڈویژنل آرگنائزر کے عہدے سے مستعفی ہونے کا اعلان

کوئٹہ : سینیٹر سرفراز بگٹی نے بلوچستان عوامی پارٹی کے ڈویژنل آرگنائزر کے عہدے سے مستعفی ہونے کا اعلان کر دیا۔

پر شائع ہوا

Ali Raza

کی طرف سے

سینیٹر سرفراز بگٹی کا بی اے پی کے ڈویژنل آرگنائزر کے عہدے سے مستعفی ہونے کا اعلان

تفصیلات کے مطابق سرفراز بگٹی کا کہنا ہے کہ عہدے سے استعفی اپنی نجی مصروفیات کی وجہ سے دے رہا ہوں،  پارٹی کو جس بناء پر بنایا گیا تھا وہ مقصد پورا نہیں ہوا،  پارٹی کی مجموعی کارکردگی سے مایوس ہوں۔

 سینیٹر سرفراز بگٹی نے کہا کہ  چیئر مین سینیٹ کو تبدیل کرنے کا دعوی کرنے والے اس بار بھی اپنا شوق پورا کر لیں،  وزیراعلی قدوس بزنجوخوش قسمت ہیں انہیں دو بار وزارت اعلی کا منصب مل رہا ہے ،  قدوس بزنجو باصلاحیت ہیں امید ہے اچھی کارکردگی دکھائیں گے۔

پڑھنا جاری رکھیں

ٹیکنالوجی

آئی فون کا پوشیدہ فیچر، چپکے سے دوسروں کی باتیں سنیں، جانیں کیسے؟

اس منفرد ‘جاسوسی’ فیچر کا نام ‘لائیو سن’ ہے۔ اس فیچر کی مدد سے جب آپ کمرے سے باہر ہوں گے تو آپ لوگوں کی باتیں سن سکیں گے لیکن فون صرف کمرے میں ہی ہوگا۔

پر شائع ہوا

Muhammad Akram

کی طرف سے

آئی فون کا پوشیدہ فیچر، چپکے سے دوسروں کی باتیں سنیں، جانیں کیسے؟

لاہور:  آئی فون صارفین کو شاید معلوم نہ ہو کہ ان کے موبائل میں ایک ایسا پوشیدہ فیچر موجود ہے، جس کی مدد سے وہ لوگوں کی بات چھپ چھپ کر سن سکتے ہیں، آئیے اس کے بارے میں جانتے ہیں۔

سمارٹ فون بنانے والی امریکی کمپنی ایپل دنیا بھر میں بہت مقبول برانڈ ہے جس کی تمام پراڈکٹس کو لوگ بے حد پسند کرتے ہیں۔ ایپل کا نام لیں تو سب سے پہلے ذہن میں ایپل کے فلیگ شپ اسمارٹ فونز، آئی فونز کا خیال آئے گا۔

آئی فونز میں ہر طرح کے فیچرز موجود ہیں لیکن یہ ضروری نہیں کہ ہم تمام فیچرز سے واقف ہوں۔ آج ہم ایسے ہی ایک فیچر کے بارے میں بتا رہے ہیں جو آپ کے آئی فون میں ہے اور جس کے ذریعے آپ لوگوں کی باتیں چھپ چھپ کر سن سکتے ہیں۔

اس منفرد ‘جاسوسی’ فیچر کا نام ‘لائیو سن’ ہے۔ اس فیچر کی مدد سے جب آپ کمرے سے باہر ہوں گے تو آپ لوگوں کی باتیں سن سکیں گے لیکن فون صرف کمرے میں ہی ہوگا۔

اگر آپ اپنے آئی فون پر اس فیچر کو استعمال کرنا چاہتے ہیں تو یہ ضروری ہے کہ آپ کے پاس AirPods ، AirPods Pro ، AirPods Max ، Powerbeats Pro یا Beats Fit Pro ہوں۔ ان آلات کے ساتھ، آپ کا آئی فون مائیکروفون کے طور پر کام کرے گا اور ان آلات کو آواز بھیجے گا۔

اگر آپ سوچ رہے ہیں کہ آپ اس فیچر کو کیسے استعمال کر سکتے ہیں، تو یقین رکھیں، ہم آپ کو اس کے بارے میں سب کچھ بتانے جا رہے ہیں۔ سب سے پہلے اس فیچر کو اپنے فون کے کنٹرول سینٹر میں شامل کریں۔ اس کے لیے اپنے آئی فون کی سیٹنگز میں جائیں اور ‘کنٹرول سینٹر’ کا آپشن منتخب کریں۔

اس کے بعد نیچے سکرول کریں اور ‘ہیئرنگ’ بٹن کے ساتھ موجود پلس سائن پر کلک کریں، اور پھر کنٹرول سینٹر میں، کان کی علامت والے بٹن پر کلک کریں۔ اس کے علاوہ، یقینی بنائیں کہ آپ کے ایئر پوڈز آپ کے آئی فون کے ساتھ جڑے ہوئے ہیں اور آپ کے کانوں میں رکھے گئے ہیں۔ اس طرح اس فیچر کو آن کرکے اگر آپ اپنا فون کمرے میں چھوڑ کر دوسرے کمرے میں آتے ہیں تو آپ آرام سے لوگوں کی باتیں سن سکتے ہیں۔

اگرچہ کمپنی نے یہ فیچر اس لیے تیار کیا ہے کہ جو لوگ کم یا زیادہ سنتے ہیں ان کو سکون مل سکے لیکن اس سال کے شروع میں ایک ٹک ٹاک صارف نے اس فیچر کا راز افشا کر دیا

پڑھنا جاری رکھیں

ٹرینڈنگ

Take a poll