پنجاب حکومت کی اہم کامیابی، صوبہ پنجاب پولیو فری ہو گیا

تفصیلات کے مطابق وزیراعلیٰ پنجاب عثمان بزدارکی زیر صدارت اعلیٰ سطحی اجلاس ہوا جس میں محکمہ صحت کے حکام  نے  بریفنگ دی ، وزیراعلی ٰ پنجاب عثمان بزدار  نے اس حوالے سے کہا کہ صوبے کا پولیو فری ہونا حکومت پنجاب کی بڑی کامیابی ہے ، لاہور سمیت دیگر شہروں میں سیوریج واٹر کے نمونے پولیو فری نکلے ہیں ، اللہ تعالی کے فضل و کرم اور ٹیم ورک کے مثبت نتائج سامنے آئے ہیں۔ 

انہوں نے کہا کہ پنجاب کے پولیو فری ہونے پر اللہ تعالی کا شکر بجا لاتے ہیں، پنجاب کو پولیو فری بنانے پرمحکمہ صحت اور انسداد پولیو ٹیمیں تحسین کی مستحق ہیں ۔ صوبے کے پولیو فری ہونے کے باوجود پولیو ویکسینیشن مہم تسلسل کے ساتھ جاری رکھی جائے گی۔ 

عثمان بزدار نے کہاکہ 5سال سے کم عمر کے بچوں کو شیڈول کے مطابق اینٹی پولیو ویکسین پلائی جائے گی ، صوبہ بھر میں خسرہ او رروبیلا کے ساتھ بچوں کو انسداد پولیو کے قطرے پلائے جا رہے ہیں ۔

ان کا کہنا تھا کہ ہم نے اپنی نئی نسل کو اس موذی مرض سے بچانا ہے، بچوں کو معذوری سے بچانے کے لئے ویکسینیشن کا تسلسل ضروری ہے۔