آئی سی سی نے ویمنز ورلڈکپ کوالیفائرزراؤنڈ روک دیا

تفصیلات کے مطابق اس وقت پاکستان سمیت 9 ملکوں کی خواتین ٹیمیں زمبابوے میں آئی سی سی ویمنز ورلڈ کپ کوالیفائرز کیلئے موجود ہیں۔

گزشتہ روز متحدہ عرب امارات کی جانب سے زمبابوے پر سفری پابندیاں عائد کی گئی تھیں آج  وہاں پر جاری آئی سی سی ویمنز ورلڈکپ کوالیفائرز راؤند کو کوروناوائرس کے پھیلاؤ کی وجہ سے انٹر نیشنل کر کٹ کونسل نے روک دیا ہے۔

جنوبی افریقا میں کورونا وائرس کی نئی قسم سامنے آنے کے بعد زمبابوے سمیت 6 افریقی ملکوں پر سفری پابندیاں عائد کردی گئی ہیں اور متحدہ عرب امارات نے بھی ان ملکوں کیلئے فلائٹس آپریشن بند کردیا ہے۔