پاک فوج کے زیر اہتمام تین روزہ قمری میلہ اختتام پذیر ، آئی ایس پی آر

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق  پاک فوج کے زیر اہتمام مقامی لوگوں بلحوص نوجوانوں کےلئے منعقد کیے گئے تین روزہ قمری میلہ اختتام پذیر ہوگیا، پاک آرمی کے زیر اہتمام اور زیر انتظام قمری استور میں علاقے کی تاریخ کا سب سے بڑا میلہ منتعقد کیا گیا،جس میں لوگوں اور جوانوں نے  خصوصی دلچسپی دکھائی۔

آئی ایس پی آر کے مطابق میلے میں کرکٹ، والی بال، رسا کشی، ویٹ لفٹنگ، ایتھلیٹکس، گھوڑوں کی دوڑ، بھیڑ اٹھانے کی دوڑ، بوری کی دوڑ، بز کاشی اور دیگر کھیلوں اور تقریری مقابلوں کا اہتمام کیا گیا، علاقے کے مکینوں اور ضلعی انتظامیہ کو برف پوش پہاڑوں میں استعمال ہونے والے سازو سامان اور ہتھیاروں سے آگاہی دی گئی۔

ترجمان پاک فوج کا کہنا ہے کہ فیسٹیول کا مقصد علاقے کے باسیوں میں صحت مندانہ سرگرمیوں کو فروغ دینا اور مقامی لوگوں اور پاک فوج کے درمیان خیر سگالی کا رشتہ مضبوط کرنا تھا اور مقامی لوگوں اور پاک فوج کے درمیان خیر سگالی کا رشتہ مضبوط کرنا تھا۔  

آئی ایس پی آر کا کہنا ہے کہ ضلع استور کی ضلعی انتظامیہ نے میلے کے اہتمام میں پاک فوج کی بھرپور تعاون کی اور دور دراز علاقوں سے لوگوں کومیلےتک رسائی میں مدد فراہم کی، اس میلے کے دوران ضرورت مند لوگوں کےلئے مفت طبی کیمپ کا انعقاد بھی کیا گیا تھا، جس میں 103 مریضوں کا معائنہ کیا گیا اور مفت ادویات بھی تقسیم کی گئی،  فیسٹیول کو مقامی لوگوں کی طرف سے وسیع پیمانے پر پذیرائی ملی، جس میں طلباء اور نوجوانوں کی بڑی تعداد نے شرکت کی۔