میری تضحیک کے  لئے اسکینڈلز اور جھوٹی خبریں لائی گئیں، وزیراعظم

وزیر اعظم عمران خان نے  امریکی اسلامی اسکالرشیخ حمزہ یوسف کو انٹرویو دیتے ہوئے کہا کہ  میں نے دو دہائیوں تک دنیا بھر میں  کھیلوں میں حصہ لیا،  انسان اپنی ناکامیوں سے سیکھتا ہے،  کامیابی اور عزت صرف اللہ کی ذات دیتی ہے، انا کسی بھی شخص کو برباد کردیتی ہے، سچا ایمان  انا پر قابو کرناسکھاتا ہے۔

وزیراعظم عمران خان نے کہا کہ مجھے اللہ نے سب سے بڑا تحفہ ایمان کی دولت سے نوازا، میں نے بہت سی کامیابیاں سمیٹیں اور دھچکے بھی لگے، طاقت ور لوگوں نے میری کردار کشی کی، میری تضحیک کے  لئے اسکینڈلز اور جھوٹی خبریں لائی گئیں، جب میں سیاست میں آیا تو سیاست میں مافیا تھے۔

وزیراعظم کا کہنا تھا کہ میرے نزدیک امیر وہ ہے جو اپنے ضمیر کا سودا نہیں کرتا ، لوگ سیاست میں آنے سے ڈرتے تھے،  میں نے مسلسل 22سال جدوجہد کی، میں پاکستان  کو اسلامی فلاحی ریاست بنانےکیلئےسیا ست میں آیا ، میں نے جب سیاست  شروع کی تو میرے پاس سب کچھ تھا، دنیا میں مسائل مادیت پرستی کی وجہ سے پیدا ہوتےہیں۔انہوں نے مزید کہا کہ قانون کی حکمرانی کے بغیر معاشرہ آگے نہیں بڑھ سکتا، میرٹ  نہ ہوتو اشرافیہ وسائل پر قابض ہوجاتی ہے، ہمارے  ملک میں قانون کی بالادستی کی ضرورت ہے، لوگوں کو غربت سے نکالنے کیلئے فلاحی منصوبے شروع کئے ہیں۔