ای وی ایم مشین کا استعمال اور بیرون ملک پاکستانیوں کو ووٹ کا حق باقاعدہ قانون بن گئے

تفصیلات کے مطابق  الیکٹرانک ووٹنگ مشین کا استعمال اور بیرون ملک پاکستانیوں کو ووٹ کا حق باقاعدہ قانون بن گئے، صدر مملکت عارف علوی نے انتخابی اصلاحات بل 2021 پر دستخط کردیئے۔

صدرمملکت ڈاکٹر عارف علوی نے کہا کہ  2013 کے الیکشن میں بیلٹ باکس اور پریزائیڈنگ افسران غائب ہوئے،  ہر حلقے میں الزام لگایا گیا کہ دھاندلی ہوئی،  پچھلے انتخابات میں دھاندلی کے الزامات لگائے گئے۔انہوں نے کہا کہ   اب اس نظام کو ٹھیک کرنے جارہے ہیں، ای وی ایم سے ووٹوں کی چوری جیسے الزامات کا خاتمہ ہوگا،  ای وی ایم سے متعلق الیکشن کمیشن جلد نوٹیفکیشن جاری کرے گا۔

گزشتہ ماہ الیکشن ایکٹ دوسرا ترمیمی بل منظوری کے لیے مشیر برائے پارلیمانی امور بابر اعوان نے ایوان میں پیش کیا تھا جوپارلیمنٹ نے حکومت کا انتخابی ترمیمی بل 2021 منظور کر لیا ۔