پاکستان ،بنگلہ دیش دوسرا ٹیسٹ میچ بارش کے باعث روک دیا گیا

ڈھاکہ : پاکستان ،بنگلہ دیش دوسرا ٹیسٹ میچ بارش کے باعث روک دیا گیا ہے ۔ میچ سے قبل صبح سویرے سے بادل منڈ لا رہے تھے جس کی وجہ سے کہا جارہا تھا کہ میچ کے دوران بارش کا امکان ہے ، جو کہ میچ کے 44 ویں اوور میں درست ثابت ہوا ۔

تفصیلات کے مطا بق دوسرے ٹیسٹ میچ کے دوران اچانک بارش کی وجہ سے میچ کو کچھ دیر کے لیے روک دیا گیا ہے ۔ گرین شرٹس نے اب تک دو وکٹیں گنوا کر 123 رنز بنا لیے ہیں ۔ 

بابراعظم 38 رنز جبکہ اطہر 20 رنز پر کھیل رہے ہیں ۔  پاکستان نے ٹاس جیت کر پہلے بیٹنگ کا فیصلہ کیا جس پر عابد علی اور عبداللہ شفیق نے میدان میں اتر کر کھیل کا آغاز کیا لیکن دوسرے ٹیسٹ میں پارٹنر شپ زیادہ لمبی نہ چل سکی اور عبداللہ شفیق 25 رنز بنا کر تاج السلام کی گیند پر بولڈ ہو گئے ۔ اوپننگ پر آنے والے عابد علی بھی اس مرتبہ کمال نہ دکھا سکے اور صرف 39 رنز بنا کر تاج السلام کی گیند پر بولڈ ہو گئے ۔ 

پاکستان کی ٹیم میں عابد علی ، عبداللہ شفیق، اظہر علی، بابراعظم ، فواد عالم ، محمدرضوان، فہیم اشرف، حسن علی ، ساجد خان ، نعمان علی ، شاہین شاہ آفریدی شامل ہیں ۔ بنگلہ دیش کی ٹیم میں شادمان اسلام، محمدالحسن ، نجم الحسین شانتو، مومن الحق، شکیب الحسن ، مشفیق ارحیم ، لٹن داس، مہدی حسن ، تاج السلام ، خالد احمد، عبادت حسین شامل ہیں ۔