"جیرو کاپٹر" گر کر تباہ ہونے سے انسٹرکٹر پائلٹ قاضی اجمل جاں بحق

تفصیلات کے مطابق 3 روز سے لاپتہ تربیت یافتہ انسٹرکٹر پائلٹ قاضی اجمل  کی لاش  کنڈ ملیر سے مل گئی ہے۔بلوچستان کے علاقے آواران میں "جیرو کاپٹر" گر کر تباہ ہونے سے انسٹرکٹر پائلٹ قاضی اجمل جاں بحق ہو گئے ہیں۔

ذرائع کا کہنا ہے کہ  پائلٹ قاضی اجمل اپنا جیروکاپٹر کراچی سے فلائی کرکے بلوچستان کی حدود میں داخل ہوئے تھے اس دوران وہ لاپتہ ہوگئے تھے۔

بلوچستان وائلڈ لائف کے اہلکار امان اللہ ساجدی کے مطابق قاضی اجمل کا جہاز  پہاڑ سے ٹکرایا اور کریش ہوا۔ طیارے کا ملبہ اور پائلٹ کی لاش مل گئی ہے۔

ایس پی لسبیلہ ایوب اچکزئی نے تصدیق کی ہے کہ قاضی اجمل کا جیرو کاپٹر کنڈملیر کے علاقے میں گرا پایا گیا اور اس کی میت کو کنڈملیر سے حب منتقل کیا جارہا ہے۔

انسٹرکٹر پائلٹ قاضی اجمل کا تعلق پشاور کی مشہور قاضی فیملی ہے۔