یورپی پارلیمنٹ کے صدر ڈیوڈ ساسولی انتقال کرگئے

تفصیلات کے مطابق واشنگٹن میں موجود یورپین پارلیمنٹ کے دفتر نے ٹویٹر پر ایک پوسٹ میں  ڈیوڈ ساسولی کے انتقال کی خبر کی اطلاع دی ۔ 

 یورپی پارلیمنٹ کے صدر ڈیوڈ ساسولی  کا انتقال آج (بروز منگل ) اٹلی کے قصبے ایویانو میں ہوا ہے۔ ابتدائی طور پران کے انتقال کی کوئی وجہ سامنے نہیں آسکی ۔ تاہم ستمبر میں انہیں شدید نمونیا کے باعث ہسپتال میں داخل کرایا گیا تھا اور بعد میں وہ صحت یاب ہونے کے لیے اٹلی واپس آئے تھے ۔

یورپی پارلیمنٹ صدر کے ترجمان رابرٹو کیلو نے ٹوئٹر پر بتایا کہ  ڈیوڈ  ساسولی 26 دسمبر کو دوبارہ اسپتال میں داخل کیا گیا تھا کیونکہ ان کا مدافعتی نظام معمول کے مطابق کام نہیں کر رہا تھا۔ 

The @EP_President David Sassoli passed away at 1.15 am on 11 January at the CRO in Aviano( PN), Italy, where he was hospitalized. The date and place of the funeral will be communicated in the next few hours.

— RobertoCuillo (@robertocuillo) January 11, 2022

واضح رہے کہ 2019 میں ڈیوڈ  ساسولی  یورپین پارلیمنٹ کے صدر منتخب ہوئے تھے۔ وہ 2009 سے یورپین پارلیمنٹ کے رکن تھے۔