آئی ایم ایف سے معاہدے ن لیگ اور پی پی نے کیے،غیرت کا درس ہمیں دے رہے ہیں: اسد عمر

تفصیلات کے مطابق ا سد عمر نے کا کہنا تھا کہ مسلم لیگ ن کی تین حکومتوں میں انہوں نے اپوزیشن کے ساتھ کون سا چارٹر آف اکانومی کیا، جتنا بھی شور کریں سچ چھپایا نہیں جاسکتا، کیا یہ ہمیں ٹی ٹیز سے منی لانڈرنگ کرنا سکھائیں گے؟

وفاقی وزیر برائے منصوبہ بندی کا کہنا تھا کہ شہباز شریف آصف زرداری کو علی بابا چالیس چور کہا کرتے تھے، شہباز شریف کہتے تھے آصف زرداری کو سڑکوں پر گھسیٹوں گا، مسلم لیگ ن نے پاکستان کو گرے لسٹ میں ڈالا، چیلنج کرتا ہوں انہوں نے فیٹف کے بل کی مخالفت کی تھی۔

انہوں نے کہا ہےکہ 2018 میں ن لیگ نے 3800 ارب روپے ٹیکس اکٹھا کیا، ہم اس سال 6 ہزار ارب روپے ٹیکس وصول کریں گے ، کورونا کے دوران پاکستان کی معیشت میں چار فیصد اضافہ ہوا، 2021 میں اکانومی کی گروتھ 5 فیصد رہی ، 2022 میں معیشت کی گروتھ 5 فیصد سے زائد ہوگی۔

اسد عمر کا کہنا تھا کہ ایکسپورٹ میں 27 فیصد اضافہ ہورہا ہے، غیر ملکی مقیم پاکستانی ریکارڈ ترسیلات زر پاکستان بھجوا رہے ہیں، گزشتہ ایک سال میں کسان کی آمدنی میں اضافہ ہوا ہے، گزشتہ سال پاکستان کی تاریخ کی سب سے بڑی مکئی، گندم کی فصل ہوئی۔