سعودی عرب :  ای عمرہ ویزے کے اجرا کا طریقہ کار جاری 

سعودی وزارت حج کی جانب سے جاری اعلامیہ کے مطابق جن ملکوں کے شہریوں پر مملکت آنے پر پابندی نہیں وہ درخواست دے سکتے ہیں۔ 

سعودی اخبار کے مطابق وزارت حج نے ٹوئٹر پر اپنے اکاؤنٹ سے بیان جاری کیا ہے جس میں کہا گیا ہے کہ ایسے ممالک کے شہری جہاں سے مملکت آمد پر کوئی پابندی نہیں، زائرین درج ذیل کارروائی کرکے عمرہ ویزہ حاصل کرسکتے ہیں ۔ اس کے لئے سب سے پہلے زائر ، وزارت حج و عمرہ کی لائسنس ہولڈر ٹریولنگ ایجنسی یا کمپنی کا انتخاب کرے اورمناسب پیکیج اختیار کرے۔

زائر پیکیج کی رقم ادا کرے (پیکج رہائش اور ٹرانسپورٹ) جیسی بنیادی سہولیات پر مشتمل ہوگا۔ اس کے ساتھ زائر عمرہ ٹریولنگ ایجنسی یا متعلقہ کمپنی کے دفتر جا کر اپنا پاسپورٹ پیش کرے اور وہاں عمرہ پروگرام سے متعلق متعلقہ فارم پُر کرے،  نیز اپنے وطن سے ارضِ مقدس روانگی اور وہاں سے واپسی کی تاریخ کا بھی تعین کرے ۔

زائر کیلئے سفر سے قبل عمرہ ویزے کے اجرا کی درج ذیل شرائط پوری کرنا ضروری ہیں جن میں  آمد و رفت کا ٹکٹ   کی تصدیق اور  میڈیکل انشورنس اسکیم حاصل کرچکا ہو۔

زائر مملکت میں منظور شدہ کورونا ویکسین لے کر مصدقہ رپورٹ پیش کرے۔زائر عمرہ کی ادائیگی اور مسجد نبوی کی زیارت کی تاریخ اور وقت کا اصولی وقت حاصل کرے۔

سعودی وزارت حج و عمرہ  کا یہ بھی کہنا ہے کہ عمرہ زائر کو پیروی کے لیے اسپیشل  نمبر دی جائے گا جسے دکھا کر وہ سعودی وزارت خارجہ کے ماتحت ای ویزا سروس پلیٹ فارم سے عمرہ ویزے کی درخواست پیش کرسکے گا۔