عابدہ پروین اور نصیبو لال نے شنیرا کو بھی اپنا گرویدہ کرلیا

شنیرا نے عابدہ پروین اور نصیبو لال کے نئے گانے تُو جھوم کے بارے میں سماجی رابطے کی ویب سائٹ ٹوئٹر پر خصوصی پیغام جاری کیا ہے۔

اس ٹوئٹ میں انہوں نے لکھا کہ میں نے اس سے پہلے ایسا گانا کبھی نہیں سُنا ،میں پچھلے 25 منٹ سے یہاں بیٹھی گانا سُنتے ہوئے رو رہی ہوں۔

شنیرا نے لکھا کہ ان ناقابلِ یقین خواتین کا یہ گانا میری روح میں بس گیا ہے۔

آخر میں شنیرا نے پاکستان کی سلامتی کے لئے دُعا بھی کی۔

I have not heard this song before & have know idea what they are singing about but I’ve been sitting here for the last 25 minutes crying my eyes out! These incredible women just sang into my soul. God Bless this beautiful Country ?? #TuJhoom #NaseeboLal #AbidaParveen @cokestudio

— Shaniera Akram (@iamShaniera) January 15, 2022

یادرہے کہ نامور پاکستانی میوزیکل شو کوک اسٹوڈیو کے 14ویں سیزن میں گلوکارہ عابدہ پروین اور نصیبو لال کو ایک ساتھ پرفارم کرتی نظر آئی ہیں۔

گزشتہ روز کوک اسٹوڈیو نے 14ویں سیزن کا آغاز کردیا جس میں صوفی گلوکارہ عابدہ پروین اور نصیبو لال کے کلام  تو جھوم نے لوگوں پر سحر طاری کردیا۔

عابدہ پروین اور نصیبو لال کے کلام کو انٹرنیٹ پر صارفین کی جانب سے بہت پسند کیا جارہا ہے کیونکہ ذوالفقار خان عرف زلفی نے اس کی موسیقی ایسے ترتیب دی ہے جسے سننے والے ایک الگ ہی کیفیت میں مبتلا ہوجاتے ہیں۔

سماجی رابطے کی ویب سائٹ ٹویٹر پر بھی عابدہ پروین اور نصیبو لال کا کلام تو جھوم ٹاپ ٹرینڈ پر رہا۔