لاہور دھماکا پلانٹڈ ڈیوائس سے کیا گیا، ابتدائی رپورٹ

تفصیلات کے مطابق  آئی جی پنجاب نے وزیراعلیٰ پنجاب عثمان بزدار کو ابتدائی تحقیقاتی رپورٹ پیش کردی ہے۔رپورٹ میں کہا گیا ہے کہ  لاہور دھماکا پلانٹڈ ڈیوائس سے کیا گیا،  دھماکے میں ڈیڑھ کلو بارودی مواد استعمال کیا گیا تھا،  دھماکے میں ایک عمارت اور 8 موٹرسائیکلوں کو نقصان پہنچا،  دھماکے میں 29 افراد زخمی اور 2 جاں بحق ہوئے ہیں ۔

ابتدائی رپورٹ کے مطابق  دھماکا ایک بج کر 40منٹ پر ہوا ، 1بجکر 44منٹ پر نامعلوم شخص کی کال آئی، کال میں بتایا گیا نیو انار کلی میں دھماکا ہوا،  اطلاع ملتے ہی لاہور پولیس سمیت انتظامیہ فوری پہنچی، پولیس، فارنزک ایجنسیاں اور دیگر تحقیقاتی ادارے جائے وقوعہ پہنچے۔

 رپورٹ میں کہا گیا ہے کہ  بارودی مواد کی تنصیب سے متعلق سی سی ٹی وی کیمروں سے مدد لی جارہی ہے، بعض مشکوک افراد کو گرفتار کیا گیا جن سے تحقیقات کی جارہی ہیں۔