حکومت کا این سی او سی کو بند کرنے کا فیصلہ

ذرائع کے مطابق حکومت نے این سی او سی کو بند کرنے کا فیصلہ کیا ہے، یکم اپریل سے کورونا صورت حال کی مانیٹرنگ قومی ادارہ صحت کرے گا۔ قومی ادارہ صحت کا سینٹر فار ڈیزیز کنڑول کورونا مانیٹرنگ کرے گا ۔

ذرائع کا کہنا ہے کہ  سی ڈی سی قومی ادارہ صحت میں اصلاحات کے بعد تشکیل دیا گیا ،  سینٹر فار ڈیزیز تاحال مکمل فعال نہیں، این سی او سی سے ریکارڈ کی سی ڈی سی منتقلی کا عمل جاری ہے۔

ذرائع نے بتایا ہے کہ نیشنل ویکسینیشن سنٹر اسٹریٹجی کی تیاری کا سہرا این سی او سی کے سر ہے،این سی او سی قومی رابطہ کمیٹی برائے انسداد کورونا کے فیصلوں پر عمل درآمد کی ذمہ  ہے۔

خیال رہے کہ  این سی او سی سنٹر مارچ 2020 میں تشکیل دیا گیا تھا ، وفاقی وزیر اسد عمر این سی او سی کے سربراہ ہیں ۔