پبی میں پاک آرمی کے انٹرنیشنل ٹیم اسپرٹ مقابلوں کی اختتامی تقریب

آئی ایس پی آر کے مطابق پبی میں پاک آرمی کے انٹرنیشنل ٹیم اسپرٹ مقابلوں کی اختتامی تقریب ہوئی جس میں پاکستان آرمی کی 8ٹیموں نے حصہ لیا جبکہ اردن، مراکش، نیپال، ترکی، ازبکستان، کینیا، سعودی عرب اور سری لنکاکی ٹیمیں بھی شامل ہیں۔

آئی ایس پی آر کا کہنا ہےکہ ملتان کور نے مقابلہ جیت لیا ،راولپنڈی کور نے دوسری پوزیشن حاصل کی، بین الاقوامی ٹیموں میں سے  نیپال،ترکی اور ازبکستان نے سونے کے تمغے جیتے، چاندی کے تمغے کینیا، مراکش اور سری لنکا نے جیتے جبکہ اردن اور سعودی عرب کی ٹیموں نے کانسی کے تمغے جیتے، تقریب کے مہمان خصوصی نے مقابلے کے شرکاء میں انعامات اور میڈلز تقسیم کئے۔

پاک آرمی کے مقابلوں کی اختتامی تقریب میں سعودی عرب کے سفیر نواف سعید المالکی نے بھی کی شرکت جبکہ پاکستان میں مراکش کے تعینات  سفیر محمد کارمون بھی تقریب میں شریک تھے۔ شریک ممالک کے مبصرین اور دفاعی اتاشیوں نے بھی شرکت کی۔

آئی ایس پی آر کے مطابق مقابلے 7 سے 9 مارچ تک 60 گھنٹے پر محیط تھے جس میں جس کا مقصد فنی مہارت اور میدان جنگ میں جوانوں کے ردعمل کی صلاحیت کو بڑھانا تھا، مقابلوں میں  ٹیموں کا جسمانی برداشت، ذہنی چستی اور حکمت عملی کی مہارت کے لئے جائزہ بھی لیا گیا، مقابلے میں انتہائی مشکل ماحول میں مختلف ایونٹس شامل تھے۔