اسپیکر نے اپوزیشن کو ٹریپ کرنے کی کوشش کی : شہباز شریف کاالزام

تفصیلات کے مطابق اپوزیشن لیڈر شہبازشریف نے میڈیا سے گفتگو کرتے ہوئے کہا کہ   اسپیکر نے اپوزیشن کو ٹریپ کرنے کی کوشش کی ، اسپیکرنے 14 دن کی مدت کی خلاف ورزی کی جوآئین سےانحراف ہے ، اسپیکر کو کیا مشکل تھی کہ وقت پر اجلاس نہیں بلایا، 21کی بجائے 25 مارچ کو اجلاس بلانا آئین کی خلاف ورزی ہے ، امید ہےاٹارنی جنرل نےعدالت میں جوکہا اس پرقائم رہیں گے۔ 

پاکستان پیپلز پارٹی کے چئیرمین  بلاول بھٹو نے بھی اسپیکر قومی اسمبلی پر آرٹیکل 6 لگانے کا مطالبہ کرتے ہوئے کہا کہ  اپوزیشن  نےنہیں،  وکلا تنظیموں نے آئین پامال ہونے سے بچانےکےلیےعدالت سے رجوع کیا،   اسپیکر سے کہنا چاہوں گا حکمران آپ کو پھنسا ئیں گے، 14 دن میں اجلاس نہ بلا کر آپ نے پہلی غلطی کر لی، حکومت اس حد تک  عدم اعتماد  اور الیکشن  سے بھاگ رہے ہیں کہ آئین توڑنا چا رہے ہیں۔ 

 چیئرمین پیپلزپارٹی نے کہا کہ عدم اعتماد کی تحریک پیش ہونےکےبعدانہوں نےپارلیمنٹ لاجز پر حملہ کیا اور دہشت پھیلانے کی کوشش کی ، ارکان اپنے تحفظ کےلیےسندھ ہاؤس قیام پذیر ہیں۔

 اخترمینگل  کاکہنا تھا کہ جس آئین کی ذمہ داری حکومت کی تھی وہ سپریم کورٹ بارنے نبھائی۔ امید ہے عدالت میں آئینی اور قانونی فیصلےکیےجائیں گے۔ 

اس حوالے سے صدر سپریم کورٹ بار احسن بھون  کاکہنا ہے کہ ہمارا صرف موقف یہ ہے کہ ملک میں قانون اور آئین کی بالادستی ہو، پارلیمانی جمہوریت کو چلتے رہنا چاہیئے۔ انہوں نے کہا کہ اسپیکر قومی اسمبلی کو قانون کے مطابق عمل جاری رکھنا چاہیئے تھا، آئین  پر ہمیشہ عملدرآمد ہونا چاہیئے، پہلے آئین کو ڈکٹیٹرز پامال کرتے رہے ، اسپیکر ایک پارٹی کو سپورٹ کرنے کیلئے آئین کو پامال کر رہے ہیں۔