سرفراز احمد کا ٹیسٹ اسکواڈ چھوڑنے کا فیصلہ

تفصیلات کے مطابق آسٹریلیا کے خلاف تین میچوں کی ہوم سیریز میں سرفراز احمد ٹیسٹ اسکواڈ کا حصہ تھے اور انہیں یہ سیریز بھی ڈریسنگ روم میں بیٹھ کر گزارنا پڑی۔

سابق کپتان نے ٹیسٹ سیریز کے دوران ہی اسکواڈ چھوڑنے کا فیصلہ کیا ہے اور اب وہ پاکستان کپ کو جوائن کریں گے وہ پاکستان کپ میں سندھ کی نمائندگی کریں گے۔

سرفراز احمد ٹیسٹ اسکواڈ کے ریزرو کھلاڑیوں میں شامل تھے۔

پاکستان کپ کا رواں ایڈیشن آخری مراحل میں داخل ہو گیا ہے اور آخری راؤنڈ کے میچز کل سے شروع ہوں گے۔

سندھ اس وقت 9 میچوں میں 12 پوائنٹس کے ساتھ دوسرے نمبر پر ہے جبکہ بلوچستان 14 پوائنٹس کے ساتھ سرفہرست ہے۔

سرفراز احمد سندھ ٹیم کی کپتانی بھی کر چکے ہیں۔