جنوبی پنجاب صوبے کا قیام : وزیر خارجہ نے آئینی ترمیمی بل اسپیکر کو پیش کردیا

 تفصیلات کے مطابق اسپیکر قومی اسمبلی اسد قیصر نے وزیر خارجہ شاہ محمود قریشی  کی درخواست پر جنوبی پنجاب آئینی ترمیمی بل کو سوموار کو منعقد ہونے والے اجلاس کے ایجنڈے میں شامل کرنے کا حکم دے دیا ۔ اس موقع پر ڈپٹی اسپیکر قاسم سوری بھی موجود تھے ۔ 

وزیرخارجہ  شاہ محمود قریشی نے کہا  کہ جنوبی پنجاب صوبہ کا قیام پاکستان تحریک انصاف کے منشور کا حصہ ہے، وزیر اعظم عمران خان نے میلسی کے عوامی رابطہ جلسے میں جنوبی پنجاب آئینی ترمیمی بل پارلیمنٹ میں لانے کا اعلان کیا تھا۔

انہوں نے کہا کہ وزیر اعظم عمران خان کی ہدایت پر میں نے آئینی ترمیمی بل، وزارت قانون کی منظوری کے بعد اسپیکر قومی اسمبلی کی خدمت میں پیش کر دیا ہے ، آج وزیر اعظم عمران خان اور پاکستان تحریک انصاف نے جنوبی پنجاب کی عوام سے کیا ہوا ایک اور وعدہ پورا کر دیا ہے۔