ہم کرپٹ ٹولے کی سازش کو ناکام بنائیں گے:حماد اظہر

حماد اظہر کا میڈیا سے گفتگو کرتے ہوئے کہنا تھا کہ ہم نے اس ملک کو ایک خودمختار معیشت اور آزاد خارجہ پالیسی دینی ہے اور وزیر اعظم عمران خان نے کبھی ہارس ٹریڈنگ نہیں کی۔

ان کا کہنا تھا کہ لاہور کے شہریوں سے اپیل ہے یہ جنگ آپ کی ہے باہر نکلیں، جس کے لیے پوری قوم کو اپنے لیڈر عمران خان کا ساتھ دینا ہو گا ، سب نے سندھ ہاؤس میں ہارس ٹریڈنگ ہوتی دیکھی۔

حماد اظہر کا کہنا تھا کہ ہماری جنگ ضمیر فروشوں کے خلاف ہے، 27 مارچ کو عوامی سمندر تمام سازشوں کو بہا کر لے جائے گا۔

ان کا مزید کہنا تھا کہ ایک طرف صادق اورامین جبکہ دوسری طرف ضمیر فروش ہیں، کیا لاہور والے انہی 2 خاندانوں کی غلامی کرنا چاہتے ہیں ؟