عالیہ بھٹ اور میں جلد شادی کرنے والے ہیں،رنبیر کپور 

تفصیلات کے مطابق رنبیر کپور نے حال ہی میں دیے گئے اپنے ایک انٹرویو میں اعتراف کیا ہے کہ وہ عالیہ بھٹ کے ساتھ جلد ہی شادی کرنے والے ہیں تاہم اس حوالے سے انہوں نے کوئی حتمی تاریخ بتانے سے انکار کر دیا۔

بین الاقوامی میڈیا رپورٹس کے مطابق رنبیر کپور نے اپنی شادی سے متعلق کہا کہ  مداحوں کے لیے ایک اچھی خبر ہے، عالیہ اور میرا جلد شادی کرنے کا ارادہ ہے، ہاں تو ہم جلد شادی کریں گے۔

اس سے قبل ایک خبر سامنے آئی تھی جس میں رنبیر کپور کی پھپھو ریما جیئن نے رنبیر کپور اور عالیہ بھٹ کی اپریل میں شادی کی خبروں کی تردید کی تھی۔  

ان کا کہنا تھا کہ جہاں تک میری معلومات ہیں ایسا کچھ نہیں ہے، ہم لوگوں نے کوئی تیاری نہیں کی تو شادی اتنی جلدی کیسے ہوسکتی ہے۔

واضح رہے کہ بالی وڈ سٹار رنبیر کپور اور اداکارہ عالیہ بھٹ گزشتہ چند برسوں سے ایک دوسرے کے انتہائی قریب ہیں تاہم شادی کی تاریخ سے متعلق میڈیا کے سوالات کو وہ ہمیشہ نظرانداز کرتے آئے ہیں۔