خیبر پختونخوا: بلدیاتی انتخابات کا دوسرا مرحلہ، پولنگ جاری

خیبرپختونخوامیں بلدیاتی الیکشن کےدوسرےمرحلےمیں18اضلاع میں پولنگ آج ہوگی ۔ صوبے بھر میں تمام پولنگ اسٹیشنز پر پولنگ کے سامان کی گزشتہ روز ترسیل کر دی گئی ہے ۔

الیکشن میں80لاکھ سےزائدووٹرزاپناحق رائےدہی استعمال کریں گے۔ 

شمالی اور جنوبی وزیرستان، اورکزئی، شانگلہ، مالا کنڈ، دیر بالا، دیر زیریں، چترال، مانسہرہ، بٹ گرام، تورغر اور کوہستان میں بھی پولنگ ہو گی۔

ایبٹ آباد اور سوات میں سٹی میئر کی نشست کے لیے کڑا مقابلہ متوقع ہے۔

بلدیاتی الیکشن میں 29 ہزار 3 سو 38 امیدوار میدان میں ہیں ، تحصیل میئر اور چیئرمین کی نشستوں کے لیے 651 امیدوار ہیں۔

ویلیج، نیبرہڈ میں جنرل نشستوں پر 13 ہزار 331 افراد انتخابی عمل میں حصہ لے رہے ہیں، خواتین کی نشستوں پر 3 ہزار 201 امیدوار میدان میں ہیں۔

مزدور اور کسان کی نشستوں پر 6602، یوتھ پر 5446 امیدوار جبکہ اقلیتی نشستوں پر 107 امیدواروں کے مابین مقابلہ ہو گا۔

بلدیاتی الیکشن کے لئےسکیورٹی کےانتظامات بھی مکمل  ہیں ، الیکشن کےلئے  49 ہزار پولیس اہلکاروں کو تعینات کیاگیاہے ، حساس ترین پولنگ اسٹیشنزمیں پولیس ،پاک فوج کےجوان  تعینات ہونگے ۔

مجموعی طور پر 6176 پولنگ اسٹیشنز،16509 پولنگ بوتھ بنائےگئےہیں جبکہ 2326 پولنگ اسٹیشنزحساس اور1646 پولنگ اسٹیشنزحساس ترین قرار دیے گئے ہیں ۔