وزیراعظم کی این سی اوسی کو مبارکباد

تفصیلات کے مطابق سماجی رابطے کی ویب سائٹ ٹوئٹر پر پیغام میں وزیراعظم عمران خان نے کہا کہ آج این سی اوسی بند ہو رہا ہے،  این سی او سی ٹیم کو مبارکباد دینا چاہتا ہوں۔ 

وزیراعظم  نے کہا کہ این سی او سی نے کورونا کےخلاف قومی سطح پرپیشہ ورانہ قیادت کی، این سی او سی نے کورونا کےخلاف مربوبط ردعمل دکھایا۔ 

ان کا کہنا تھا کہ کورونا سے نمٹنے کےلیے ہماری کوششوں کو عالمی اداروں اور فیلڈ میں موجود لوگوں نے سب سے کامیاب تسلیم کیا۔ 

Today, as NCOC closes down, I want to congratulate the NCOC team & it's ldership for a professional, nationally-coordinated response to the pandemic. As a result our Covid response was recognised by int agenciies & people in the field as one of the most successful globally.

— Imran Khan (@ImranKhanPTI) March 31, 2022

دوسری جانب نیشنل کمانڈ اینڈ آپریشن سینٹر (این سی او سی) کے سربراہ، وفاقی وزیر اسد عمر نے  بھی سماجی رابطے کی ویب سائٹ ٹوئٹر پر بیان جاری کیا ہے ۔

انہوں نے اپنے پیغام میں کہا کہ این سی او سی کے آپریشن کا آج آخری دن ہے۔  ملک میں کورونا وائرس کے کیسز میں کمی ہوئی ہے جبکہ اس کی ویکسی نیشن زیادہ ہو چکی ہے۔

اسد عمر نے کہا  کہ کورونا وائرس کی وباء سے متعلق ذمے داریاں وزارتِ صحت کو منتقل کر دی گئی ہیں ۔  میرے لیے این سی او سی کی سربراہی باعثِ فخر رہی، پاکستان نے جس طرح کورونا وائرس کی وباء پر قابو پایا، دنیا نے ا س کی تعریف کی۔

Today is last day of NCOC operation. With covid indicators at all time lows & high level of vaccination, baton now being passed on to health ministry. Chairing NCOC during last 2 years & working with the most dedicated team has been the greatest privilege and honour of my life.

— Asad Umar (@Asad_Umar) March 31, 2022

خیال رہے کہ 11 مارچ کو حکومت  پاکستان نے این سی اوسی کو  بند کرنے کا  فیصلہ کیا تھا ، یکم اپریل سے ملک میں کرونا کی صورت حال کی مانیٹرنگ نیشنل انسٹی ٹیوٹ آف ہیلتھ (این آئی ایچ) اسلام آباد کرے گا۔ قومی ادارہ صحت کا سینٹر فار ڈیزیز کنٹرول کرونا مانیٹرنگ کرے گا،

واضح رہے کہ سی ڈی سی قومی ادارہ صحت میں اصلاحات کے بعد تشکیل دیا گیا تھا، اور یہ تاحال مکمل فعال نہیں ہے۔