اگر امپورٹڈ حکومت قائم رہ گئی تو میرا نام شہباز شریف رکھ دینا: شیخ رشید 

تفصیلات کے مطابق سابق وزیرداخلہ اور عوامی مسلم لیگ پارٹی کے رہنما   شیخ رشید نے کہا کہ سابق وزیراعظم عمران خان کو پہلے بھی کہا تھا پہلے بھی میری باتیں نہیں سنی گئیں۔

انہوں نے کہا کہ کل تقریباً طے تھا کہ آج ہم استعفیٰ دیں گے، میں تو اب بھی قائم ہوں۔ 

انہوں نے کہا کہ سیاست اب شروع ہوئی ہے، انہیں پتہ لگے گا کتنے 20 کا 100 ہے، اتوار  کو یہ فائلیں بدلتے رہے کہ آج فرد جرم نہ لگے،  جن کے چہرے قوم دیکھنے کیلئے تیار نہیں انہوں نے بیوروکریسی کا سہارا لے کر  فائلیں بدلی ہیں۔ 

ان کا یہ بھی کہنا تھا کہ تین دن کے لیے عمرے پر جاؤں گا۔

واضح رہے کہ قومی اسمبلی آج نئے وزیراعظم کا انتخاب کرے گی، نئے وزیر اعظم کے انتخاب کیلئے شہباز شریف متحدہ اپوزیشن کے متفقہ امیدوار ہیں جبکہ پاکستان تحریک انصاف نے شاہ محمود قریشی کو امیدوار نامزد کر دیا ہے۔