سعودی شہزادے ولید بن طلال نے ٹوئٹر کی فروخت کیلئے ایلون مسک کی پیش کش مسترد کر دی

ریاض : سعودی شہزادے ولید بن طلال نے ٹوئٹر کی فروخت کیلئے ایلون مسک کی پیش کش مسترد کر دی، ٹیسلا کمپنی کے مالک مائیکرو بلاگنگ ویب سائٹ کی خریداری کیلئے فی شیئر 54 ڈالر کے حساب سے 43 ارب ڈالرز کی پیش کش کر چکے۔

تفصیلات کے مطابق ایلون مسک کی جانب سے 43 ارب ڈالرز میں ٹوئٹر کی خریداری کی پیش کش کیے جانے کے بعد سعودی شہزادے ولید بن طلال کی جانب سے ردعمل دیا گیا ہے۔ 

کنگڈم ہولڈنگ کمپنی کے مالک ولید بن طلال نے ٹیسلا کمپنی کے مالک کی پیش کش کو مسترد کرتے ہوئے کہا ہے کہ چونکہ 54 عشاریہ 20 ڈالرز فی شیئر قیمت، ٹوئٹر کی حقیقی مالیت اور گروتھ کے امکانات کے مقابلے میں کہیں کم ہے، اس لیے ٹوئٹر کے سب سے بڑے شیئر ہولڈرز میں سے ایک ہونے کی حیثیت سے ایلون مسک کی پیش کش کو مسترد کرتا ہوں۔

اس سے قبل ایلون مسک نے کہا تھا کہ ٹوئٹر ایک سوشل میڈیا پلیٹ فارم کے طور پر اپنے اندر غیر معمولی امکانات لیے ہوئے ہے اور میں ان امکانات کو استعمال میں لاؤں گا۔ ایلون مسک نے یہ بات ٹوئٹر کے انتظامی بورڈ کے نام لکھے گئے ایک خط میں کہی۔ ایلون مسک نے اپنے خط میں ٹوئٹر کے بورڈ کو پیشکش کی کہ وہ اس کمپنی کے 100 فیصد شیئرز کو فی شیئر 54.20 امریکی ڈالر کی قیمت میں خریدنے پر تیار ہیں۔

اس سے قبل ایلون مسک کی طرف سے ٹوئٹر کے نو فیصد سے زائد حصص خریدے جانے کے بعد کمپنی کے بورڈ نے انہیں کمپنی کے سب سے بڑے شیئر ہولڈر بن جانے پر یہ پیشکش کی تھی کہ وہ چاہیں تو ٹوئٹر کے انتظامی بورڈ کے رکن بھی بن سکتے ہیں۔ تاہم ٹیسلا کے مالک ایلون مسک نے یہ پیش کش مسترد کر دی تھی۔

I don't believe that the proposed offer by @elonmusk ($54.20) comes close to the intrinsic value of @Twitter given its growth prospects.

Being one of the largest & long-term shareholders of Twitter, @Kingdom_KHC & I reject this offer.https://t.co/Jty05oJUTk pic.twitter.com/XpNHUAL6UX

— الوليد بن طلال (@Alwaleed_Talal) April 14, 2022