عمران خان نے جہانگیر ترین اور علیم خان سے اختلافات کی وجہ بتا دی

پاکستان تحریکِ انصاف (پی ٹی آئی ) کے چیئرمین ، سابق وزیرِ اعظم عمران خان نے ایک انٹرویو میں کہا  کہ جہانگیر ترین اور علیم خان کا مقصد اقتدار میں آ کر فائدہ اٹھانا تھا ۔ ان کا کہنا تھا  کہ علیم خان نے راوی پر 300ایکڑ زمین خریدی اور اسے لیگل کرانا چاہتے تھے، علیم خان توقع کرتےتھے کہ پاورمیں آکرسارےغلط کام جائزکرادوں۔ وہاں سے علیم خان اور میرے درمیان دوریاں پیدا ہوئیں۔

سابق وزیراعظم نے کہا کہ علیم خان کےنیب میں بھی کیسزتھےاورپنڈوراپیپرزمیں بھی نام آگیاتھا۔ 

جہانگیر ترین سے متعلق بات کرتے ہوئے عمران خان کا کہنا تھا کہ ان کا مسئلہ چینی بحران تھا جس پر کمیشن بھی بنایا، جہانگیر ترین ان لوگوں کے ساتھ کھڑے ہو گئے جو ملک کے سب سے بڑے ڈاکو ہیں ، شوگر مافیا پر انکوائری بٹھائی تو جہانگیر ترین سے اختلافات ہو گئے ۔ اگران دونوں افرادکامیرےوالانظریہ ہوتا توآج میرے ساتھ ہوتے۔ 

چیئرمین تحریک انصاف کا کہنا تھا کہ اداروں میں کرپٹ نظام سے فائدہ اٹھانے والے بیٹھے ہیں، ہمارے اداروں میں وہ لوگ بیٹھے ہیں جو ان کا ساتھ دیتے ہیں۔

انہوں نے کہا کہ اکثریت نہ ہونے کی وجہ سے ہم کوئی قانون سازی نہیں کر سکتے تھے، پارلیمنٹ میں اکثریت ملے گی تو ہی اقتدار میں آؤں گا۔

امریکا کے ساتھ تعلقات کے حوالے سے بات کرتے ہوئے عمران خان نے کہا کہ امریکا کو اب پاکستان میں جی حضوری کرنے والے مل گئے ، امریکا کی جنگ میں ہمارے 80 ہزار لوگ مارے گئے۔   امریکاافغانستان میں حملوں کیلئےپاکستان سےاڈےمانگ رہاہے، امریکا میں سابق صدرٹرمپ کے ساتھ بہت دوستی تھی۔ 

ان کاکہنا تھا کہ آزادخارجہ پالیسی کامطلب امریکاکی دشمنی نہیں، امریکاسےدوستی چاہتےہیں لیکن  لوگوں کےمفادپرسمجھوتہ نہیں کروں گا۔ 

موجودہ حکومت کو تنقید کا نشانہ بناتے ہوئے سابق وزیراعظم  عمران خان نے کہا کہ کابینہ میں 60 فیصد لوگ اس وقت ضمانت پر ہیں، شہباز شریف کا 16 ارب روپے کا اوپن اینڈ شٹ کیس ہے، شریف خاندان یا ضمانت پر ہے یا سزا یافتہ ہے، ان کو قوم پر مسلط کر دیا گیا۔

ان کا کہنا تھا کہ میں نے کبھی عدلیہ کے ادارے میں مداخلت نہیں کی لیکن 20، 25 کروڑ روپے لے کر جنھوں نے حکومت گرائی،  ان ضمیر فروشوں کیخلاف عدالتیں رات کو نہیں کھلیں ، ان ضمیر فروشوں کیخلاف کوئی ایکشن نہیں لیا گیا۔ پاکستان میں میرجعفراورمیرصادق سازش کےسہولت کاربنے۔ 

عمران خان کا کہنا تھا کہ اب جس کو ٹکٹ دوں گا اس سے کاروبار نہ کرنے کا حلف لوں گا۔ 

چیئرمین تحریک انصاف عمران خان  نے کہا کہ پاکستان کےعوام اب جاگ چکےہیں ، پاکستان کےعوام نےسوشل میڈیاپراپنی آوازکوبلندکیا، پہلی بار دیکھا پوری قوم متحد ہوکر غصے کااظہار کررہی ہے۔