ملک کیخلاف سب سے بڑی سازش عمران خان کی شکل میں ہوئی : مریم نواز

تفصیلات کے مطابق مسلم لیگ ن کی رہنما مریم نواز نے اسلام آباد میں میڈیا سے گفتگو میں  کہا کہ جتنی بڑی سازش عمران خان کی  شکل میں پاکستان کے ساتھ ہوئی صورت ہوئی  اس کے عوام کے خلاف ہوئی ، اتنا تو کوئی پاکستان کے ساتھ نہیں کرسکتا تھا ، آج ڈاکٹر اسرار اور شہید حکیم سعید کی بات یاد آرہی ہے کہ عمران کو ملک کو خراب کرنے کے لیے تیار کیا جارہا ہے، مجھے وہ بات آج سمجھ آئی۔  جس انسان کے پاس چار سال میں اپنی کارکردگی پر بات کرنے کے لیے چار سیکنڈ نہ ہوں تو اسے سازش اور مراسلے کی ضرورت پڑتی ہے۔

انہوں نے کہا کہ  نیب کے پاس میرے خلاف کوئی ثبوت نہیں، اگر ثبوت ہوتا تو دس مہینے بڑا عرصہ ہوتاہے لیکن کبھی نیب کو کورونا ہوتا ہے تو کبھی وکیل بدلتے ہیں، آج بھی ان کے وکیل نہیں آئے، نیب کے پاس کوئی سراغ نہیں، اگر نیب کے پاس ثبوت نہیں۔

مریم نواز نے کہا کہ اگر میرے خلاف کوئی ثبوت ہے تو مجھے سزا دیں، اگر ثبوت نہیں توعدلیہ سے درخواست ہے کہ نیب کی اس زیادتی کا نوٹس لیں، کسی کو اجازت نہیں دوں گی کہ اس طرح مریم بنام اسٹیٹ کی آوازیں لگیں، ثبوت دینے کی بات آئے تو نیب پتلی گلی سے نکل جائے۔

مریم نواز  کا اپنی جماعت سے متعلق کہنا تھا کہ اللہ کے فضل و کرم سے نون لیگ متحد ہے ،  ن بھی ش ہے اور ش بھی ن ہے، ن اور ش ایک ساتھ ہیں ، چھچھڑوں کے خواب کبھی پورے نہیں ہونگے۔ 

ان کا کہنا تھا کہ ہم نے عمران خان کو آئینی طریقے سے گھر بھیجا ، عمران خان کا سیاسی مستقبل ختم ہے ، پاکستان کو عمران خان کی نحوست سے آزاد کیا ۔ عمران خان کو جب تک ادارے سپورٹ کر رہے تھے تب تک وہ سراج الدولہ تھے لیکن جیسے اقتدار جاتا نظر آگیا تو آج کوئی میر صادق تو کوئی میر جعفر بن گیا، آئینی رول سے صرف ایک شخص کو تکلیف ہے جو بغیر سہارے 10 سیٹیں نہیں جیت سکتا۔

مریم نوازنے  انتخابات سے متعلق کہا کہ  انتخابات ہونے ہیں کیونکہ یہ واحد حل ہے، مخلوط حکومت اکیلے فیصلہ نہیں کرسکتی، عوام نواز کو دو تہائی اکثریت دے تاکہ ملک کی تقدیر بدلے۔ 

مریم نواز نے پاک افواج کی بات کرتے ہوئے کہا کہ پوری قوم پاکستان کے استحکام کے لیے افواج پاکستان کو دیکھتی ہے،افواج پاکستان کے سربراہ کی ریپوٹیشن بے عیب ہونی چاہیے، جس پر کوئی داغ نہ ہو وہ افواج پاکستان کا سربراہ بنے تاکہ افواج پاکستان کو لوگ سلیوٹ کریں۔   اگر پاکستان کی افواج نے فیصلہ کیا ہے  کہ وہ خود کو سیاست سے دور رکھیں گے تو اس کی تعریف کی جانی چاہیے۔