وزیر اعظم کا کراچی دھماکے پر افسوس کا اظہار

وزیر اعظم شہباز نے کراچی کے علاقے صدر میں دھماکے سے ایک شخص کے جاں بحق اور متعدد افراد کے زخمی ہونے پر افسوس کا اظہار کیا ہے۔

جاری بیان میں وزیر اعظم نے جاں بحق ہونے والے شخص کے اہل خانہ سے دلی تعزیت اور ہمدردی کا اظہار کیا اور زخمیوں کی جلد صحت یابی کی دعا کی۔

وزیر اعظم شہباز نے کہا کہ صوبائی حکومتوں کے ساتھ مل کر عوام اور امن دشمن عناصر کا قلع قمع کریں گے، انہوں نے وزیر اعلیٰ سندھ کو ہدایت بھی کی ہے کہ زخمیوں کو بہترین طبی سہولیات فراہم کی جائیں۔

واجح رہے کہ کراچی صدر میں ایک خوفناک دھماکہ ہوا ہے جس کے نتیجے میں 1 شخص جاں بحق جبکہ 13 افراد زخمی ہوئے ہیں۔

پولیس کا کہنا ہے کہ بظاہر ایسا لگ رہا ہے کہ دھماکے سے کوسٹ گارڈ کی گاڑی کو نشانہ بنایا گیا کیونکہ جیسے ہی کوسٹ گارڈ کی گاڑی گزری تو دھماکہ ہو گیا۔

میڈیا رپورٹس کے مطابق موٹرسائیکل میں دھماکہ خیزمواد نصب کیا گیا تھا موٹرسائیکل کو دھماکے کے مقام پر کھڑا کیا گیا تھا، دھماکہ ڈیوائس کے ذریعے کیا گیا۔